توقعات الأبراج اليوم الخميس 28/2/2019 على الصعيد المهني والصحي والعاطفي. توقعات الأبراج اليوم الخميس 28/2/2019 على الصعيد المهني والصحي والعاطفي. - شبكة اخبار السويداء -->

أخر الاخبار

الخميس، 28 فبراير 2019

توقعات الأبراج اليوم الخميس 28/2/2019 على الصعيد المهني والصحي والعاطفي.

توقعات الأبراج اليوم الخميس 28/2/2019 على الصعيد المهني والصحي والعاطفي.

شبكة اخبار السويداء | تعرف على حظك اليوم الخميس 28/2/2019 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر بكرا ببرج الجدي

-حظك اليوم الحمل

امور بتزعجك بالشغل وخاصة بتعامل البعص معك ..
حاول تعرف كيف تتصرف وكون جاهز لتثبت حالك وتصل للي بدك ياه بشغلك واستغل الفرص وحاول ماتهمل شي بدي منك ماتقلق وخليك دبلماسي واحتمال تتعرض لنقد انتبه وخاصة مع المسؤولين عنك . .
عاطفيا .. كون بعيد عن القرارات الحاسمة بعلاقتك ولاتعطي كل ثقتك اذا ماكنت واثق من حبك .
النسبة المئوية :
●مهنيا : %70 ●ماليا : %72 ●عاطفيا : %69 ●صحيا : %65

-حظك اليوم الثور

امور ايجابية بتدعمك وسفر ولقاءات وناس جدد ..
يوم يعتبر داعم بقوة الك وتحسن كبير ويوم بيعطيك القوة وممكن تطلع مشوار او تشوف حدا غالي على قلبك وممكن تكتر اللقاءات عندك وتلاقي الكل معك وفرصة للتعامل مع ناس غرباء وسفر واتصالات ..
عاطفيا .. من الأيام الداعمة ويلي بتلاقي حالك فيها عم ترجع شي من الرومنسية مع الشريك ..
النسبة المئوية :
●مهنيا : %86 ●ماليا : %82 ●عاطفيا : %85 ●صحيا : %80

-حظك اليوم الجوزاء

يوم بيحملك مال وحلول وارتياح نسبي ..
بتكون بوضع أريح وعندك قصة مالية وانتبه لصحة حدا بيقربك و هدي الأجواء و حسن علاقاتك بعد ايام كانت صعبة كمان دير بالك على مصروفك وبتحل امور قضائية او تصالح او حتى تشفى من مرض ..
عاطفيا .. المشاكل ماعم تخلص بينك وبين الحبيب حاول تحلها بهاليوم وقرب وجهات النظر
النسبة المئوية :
●مهنيا : %66 ●ماليا : %79 ●عاطفيا : %70 ●صحيا : %75

-حظك اليوم السرطان

روق بهاليوم ويوم لشراكات جديد وعقود عند البعض ..
بتتوتر بسرعة بهاليوم وعم تحس بالظلم وتعبان يمكن فلاتحاول تنفعل واهدى لأن توترك ممكن يسببلك المواجهات مع محيطك ابتعد عن الأشخاص المستفزة وفيك تتم شراكة او تعمل عقد بهاليوم ..
عاطفيا .. خليك قوي العلاقة بدها اخد وعطى ومو مرتاح و عم تنفعل من أقل كلمة وفرص لارتباط كمان ..
النسبة المئوية :
●مهنيا : %60 ●ماليا : %58 ●عاطفيا : %64 ●صحيا : %69



-حظك اليوم الأسد

يوم لقصص صحية وبداية شغل كون جاهز ..
يوم لتثبت حالك المسؤوليات كتيرة والشغل لاتخليه يتراكم واستعمل قدراتك لتخلص ودير بالك على صحتك اليوم وخليك منظم حتى لو مشغول كتير بس انت قدها اذا بكرت لشغلك وتصرفت بتنظيم ..
عاطفيا .. طريقة تعاما الشريك عم تزيد العلاقة توتر وسوء حاول تساير شوي لتنحل ..
النسبة المئوية :
●مهنيا : %62 ●ماليا : %59 ●عاطفيا : %64 ●صحيا : %57

-حظك اليوم العذراء

يوم افضل بالحظوظ والفرص بشراكات وارتباط كمان ..
من الأيام المنيحة الك وفي نجاح وكمان في اخبار بتسعدك وانت نشيط وقادر على اتمام امورك بافضل حال حاول ماتتسرع وخود وقتك لتحصل على افضل النتائج يلي بدك ياها واستغل الفرص المتاحة...
عاطفيا .. حب ورومنسية عم يعطوك اوقات كتير حلوة انت بحاجتها لتعزز علاقتك وارتباط عند البعض .. 
النسبة المئوية :
●مهنيا : %85 ●ماليا : %82 ●عاطفيا : %89 ●صحيا : %80

-حظك اليوم الميزان

انتبه لعلاقتك بالمقربين وتغييرات متوقعة عندك ..
قصص البيت عم تشغل بالك حاول لاتستفز افراد عيلتك وحافظ على هدوئك وانتبه من المزاجية الزايدة كمان دير بالك على اهلك وصحتك وممكن احد افراد عيلتك بحاجة لمساعدة خليك معو وتغييرات كمان ..
عاطفيا .. لازم يكون الشريك سند الك بهيك يوم وانتظر تحسن عاطفي ..
النسبة المئوية :
●مهنيا : %65 ●ماليا : %61 ●عاطفيا : %64 ●صحيا : %59

-حظك اليوم العقرب

يوم بيدعمك بلقاءات حلوة وتطور ايجابي ..
يوم بيدعمك بحركة وسفر وتواصل وعم تكون مقنع بكلامك واستغل الحظ يلي بيدعمك وادفع بمصالحك فرص حلوة بتجيك بمجال الاتصالات والانترنت عندك القدرة تغير بس انتبه لموبايلك ..
عاطفيا .. لقاء حلو اليوم بانتظارك وحديث شيق اذا مرتبط واذا لا انتظر هالشي ..
النسبة المئوية :
●مهنيا : %78 ●ماليا : %74 ●عاطفيا : %80 ●صحيا : %82



-حظك اليوم القوس

امور مالية بتشغلك وعندك بداية مشروع ..
يوم بيدعمك لتحصل على مال لكن عم تصرف كتير واستغل اليوم لتكسب مصاري اذا بدك ناقش مشاريعك بهدوء لتصل لهدفك وحاول تكون أسرع بشغلك وعادي اذا حدا ساعدك ولاتتردد بطلب هالشي ..
عاطفيا .. انت محتار بالعلاقة حاول تحدد موقفك وتبحث عن ثوابت واستقرار ..
النسبة المئوية :
●مهنيا : %69 ●ماليا : %80 ●عاطفيا : %74 ●صحيا : %71

-حظك اليوم الجدي

يوم بيدعمك وبحسن الحظ والعلاقات عندك ..
بترجعلك مكانتك وبتكون مسيطر لهاليوم وقادر توصل وتسمع اخبار حلوة وأحداث بتغير وضعك للأفضل والامور رح تكون منيحة تفائل وبادر لان الحظ عم يكون جيد وعم تكون قادر تحل مشاكلك ..
عاطفيا .. خبر حلو ولقاء مميز وتحسن بالمعنويات اليوم فلا تخاف وكون واثق من حبك ..
النسبة المئوية :
●مهنيا : %93 ●ماليا : %83 ●عاطفيا : %88 ●صحيا : %84

-حظك اليوم الدلو

حاول تهدي بهاليوم وانتبه من ثقتك بالمحيطين غيك ..
ملل واحساس بالضيق بهاليوم وعندك تعب وتأجيل هي حالتك لاتخاف رح تمر بس انتبه من الخسائر و حافظ على الامل واصبر انتبهلي لصحتك وارتاح كمان وكون بعيد عن التشاؤم ومرقلي اليوم ..
عاطفيا ..ممكن خيبة امل جديدة عم تمر فيها وقلق من القادم لاتحكم بسرعة وانتظر بس هالفترة ..
النسبة المئوية :
●مهنيا : %58 ●ماليا : %62 ●عاطفيا : %65 ●صحيا : %60

-حظك اليوم الحوت

يوم لتتلقى مساعدة من شخص ويكون عندك لقاء حلو ..
قادر تطلب مساعدة وتتلبى بهاليوم وعم تذدهر اليوم حياتك الاجتماعية اطلع ولاتضل لوحدك شوف رفقاتك وقضي اوقات حلوة بدي تتفاعل مع الناس ورح تحصل على يوم حلو اجتماعيا لكم لاتتصرف بتسرع ..
عاطفيا .. فرصة لتكون مع الحبيب اليوم وتجاوز المشاكل يلي عم تخرب العلاقة ..
النسبة المئوية :
●مهنيا : %77 ●ماليا : %75 ●عاطفيا : %80 ●صحيا : %74

الفلكي منيب الشيخ

ليست هناك تعليقات:

إرسال تعليق