توقعات الأبراج اليوم الاربعاء 20/2/2019 على الصعيد المهني والصحي والعاطفي. توقعات الأبراج اليوم الاربعاء 20/2/2019 على الصعيد المهني والصحي والعاطفي. - شبكة اخبار السويداء -->

أخر الاخبار

الأربعاء، 20 فبراير 2019

توقعات الأبراج اليوم الاربعاء 20/2/2019 على الصعيد المهني والصحي والعاطفي.

توقعات الأبراج اليوم الاربعاء 20/2/2019 على الصعيد المهني والصحي والعاطفي.

شبكة اخبار السويداء | تعرف على حظك اليوم الاربعاء 20/2/2019 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر عم يكمل بالعذراء

-حظك اليوم الحمل

تعب صحي عم يأثر عليك وبداية شغل جديد ..
كتير أمورك لازم تخلصها وعم يبدا يومك بكتير قصص كمان لازم بهاليوم تتبع نظام غذائي وصحي حتى تحافظ على صحتك وتحاول ترتاح قدر الامكان وأهم شي ماتخلي الشغل يتراكم وتنتبه صحيا ..
عاطفيا : انت بحاجة لحب حقيقي بهاليوم ويفضل الشريك يهتم ويقدر ظروفك أكيد ..
النسبة المئوية :
●مهنيا : %61 ●ماليا : %63 ●عاطفيا : %65 ●صحيا : %58

-حظك اليوم الثور

حب بدق بابك وتطورات حلوة وحلول ..
بترتاح هاليوم وبكون في حظ وعم تدخل نهار حلو بمعنى الكلمة بتلافي فيه حالك عم تسمع اخبار حلوة وتحسن بوضعك العام وفرص لشغل جديد وكمان مال وحتى بتنشغل بقصص بتخص الاطفال ..
عاطفيا : من أفضل أيامك العاطفية لتغير وضعك والشريك بكون قريب منك ..
النسبة المئوية :
●مهنيا : %81 ●ماليا : %85 ●عاطفيا : %88 ●صحيا : %80

-حظك اليوم الجوزاء

تغييرات عندك على صعيد البيت والعيلة ..
ماعم ترتاح بجو العيلة عندك و عم ينشغل بالك على أهلك وعم تكون منفعل زيادة بدي منك تفكر بحل الأمور برواق لأن في قصة بتجمع عليها العيلة انشالله تكون مناسبة سعيدة وانتبه من الضغط وصحيا ..
عاطفيا : وضعك العاطفي كتير عم يتعبك يمكن لازم تحل شوي من قصص البيت لترتاح مع الشريك ..
النسبة المئوية :
●مهنيا : %64 ●ماليا : %68 ●عاطفيا : %62 ●صحيا : %60

-حظك اليوم السرطان

يوم لتنجح وتصل وتسافر كمان وتتحرر من قيودك ..
انفراج عندك بهاليوم وعم تكون قادر تخلص عمل كتير بوقت قليل وفيك تسافر كمان اليوم لكن انتبه من حوادث السير او من قصص بتخص موبايلك وكمان لازم تهتم بحدا من اخواتك ويوم حلو بالمجمل .
عاطفيا : تعامل بهدوء مع الشريك ويمكن تتعرف على شخص جديد يدق قلبك الو ..
النسبة المئوية :
●مهنيا : %78 ●ماليا : %70 ●عاطفيا : %75 ●صحيا : %72



-حظك اليوم الأسد

مصاريف تعبتك وتعاملك مالي وشغل عندك ..
لازم تدرس منيح كل شي بخص المال عندك وكمان تعيد حساباتك بوضعك المالي واذا ناطر مبلغ ممكن يجيك بس حاول تفكر بشغل جديد حتى تدعم مواردك وكمان ضب مصروفك حتى ماتكون بمأزق مالي ..
عاطفيا : عندك شوية احساس بانو الشريك بعيد عنك وعم تضوج من الاهمال احيانا ..
النسبة المئوية :
●مهنيا : %66 ●ماليا : %77 ●عاطفيا : %73 ●صحيا : %75

-حظك اليوم العذراء

يوم لانفراج وأخبار حلوة وتحسن كبير ..
عم تغير وضعك للأحسن ويوم من الأيام يلي بتوضح عندك فيها الامور المهنية والعائلية بعد ما تعبتك كتير اخر فترة وبتحط حد للحكي والمشاكل ولازم تحسم وضعك بالشي يلي بناسبك وتبدا من جديد ..
عاطفيا : حاول تهدي لان العلاقة يلي تاعبتك بلاها احسن وفكر بحب يريحك وارتباط للبعض ..
النسبة المئوية :
●مهنيا : %84 ●ماليا : %80 ●عاطفيا : %86 ●صحيا : %78

-حظك اليوم الميزان

ماكتير عم تكون مرتاح وتأجيل بدايقك ..
ماحدا عم يقدر حجم تعبك او حتى عم يريحك التعامل معو بتحس انك بمتاهة وفي مشكلة بالتواصل وقصة حادث ممكن يطرأ لازم تنتبه ولاتعطي اهمية لكلام الناس ومرقلي هالنهار بدون انفعال وانتبه صحيا ..
عاطفيا : كتير امور بتحصل بتخليك تفقد الأمل بامكانية الحلول معليش روق وتركها للايام ..
النسبة المئوية :
●مهنيا : %60 ●ماليا : %63 ●عاطفيا : %66 ●صحيا : %59

-حظك اليوم العقرب

يوم لصداقات رفيق بتحبو وأجواء اجتماعية ..
أجواء اجتماعية عندك وبكون يومك منيح مع الناس الكتير يلي عم تدعمك وتحكيك وعم تلتقي اصدقاء من زمان ماشفتن وتحضر عزيمة او مناسبة اجتماعية وتحصل على الدعم والمساعدة من المحيطين فيك ..
عاطفيا : حاول تصلح المشاكل مع الشريك وجاذبيتك مرتفعة بهاليوم فاستغل هالشي ..
النسبة المئوية :
●مهنيا : %73 ●ماليا : %71 ●عاطفيا : %77 ●صحيا : %75



-حظك اليوم القوس

يوم بحاجة مسايرة وشغل جديد ولقاء مهم ..
يوم مصيري عندك من حيث التعامل مع الناس والعيون عم تكون عليك فانتبه وكون دقيق وشاطر لتصل للمكانة يلي بتطمحلها او المنصب وحتى يمكن عم تستلم شغل جديد بهاد اليوم بس لاتخالف القوانين ..
عاطفيا : انت بوضع جيد نسبيا اذا عرفت كيف تتصرف مع الشريك بهالفترة ..
النسبة المئوية :
●مهنيا : %75 ●ماليا : %68 ●عاطفيا : %74 ●صحيا : %72

-حظك اليوم الجدي

تواصل أفضل سفر ولقاءات حلوة عندك ..
بتكون أفضل بكتير هاليوم ولازم تستغل هيك فترة لتطور بوضعك مع محيطك القريب والبعيد لان بتشوف اشخاص جدد ويمكن تسافر وتتلقى اتصالات بعيدة وانتبه اثناء سفرك وجهز منيح ..
عاطفيا : يمكن بهاليوم عم تتعرف على أشخاص جديدة ويكون في تقارب سريع بوجهات النظر معن واعجاب ممكن ..
النسبة المئوية :
●مهنيا : %82 ●ماليا : %77 ●عاطفيا : %88 ●صحيا : %84

-حظك اليوم الدلو

عم تحل مشكلة وتواصلك أفضل بهاليوم ومال عندك ..
بتتجاوز فترة صعبة مريت فيها و عم تحل بعض المشاكل يلي كانت تاعبتك وفي مال ممكن تحصل عليه من شراكة وبتحس بارتياح نسبي بوضعك العام فحاول تكون متفهم واكيد مصالحات عندك ..
عاطفيا : اجواء حلوة لبعض مواليد الدلو بهاليوم وفي تحسن بوضع العلاقة ..
النسبة المئوية :
●مهنيا : %67 ●ماليا : %74 ●عاطفيا : %70 ●صحيا : %69

-حظك اليوم الحوت

شراكات جديدو للبعض وانفعال عند البعض ممكن ينهي علاقة ..
خليك دبلماسي وهدي وهاليوم بدو منك تصرف بحكمة انت بوضع ضعيف بطاقتك مشان هيك اي مواجهة الافضل تتجنبها ليمر بسلام وحتى ماتفقد شغلك وفيك تبدا شغل على اساس شراكة ..
عاطفيا : الشراكة العاطفية عندك منيحة كارتباط بس مابعرف لي بحس انو في مشاكل ممكن يعانو منها المرتبطين بهاليوم ..
النسبة المئوية :
●مهنيا : %59 ●ماليا : %61 ●عاطفيا : %65 ●صحيا : %63

الفلكي منيب الشيخ

ليست هناك تعليقات:

إرسال تعليق