توقعات الأبراج اليوم الخميس 24/1/2019 على الصعيد المهني والصحي والعاطفي. توقعات الأبراج اليوم الخميس 24/1/2019 على الصعيد المهني والصحي والعاطفي. - شبكة اخبار السويداء S.N.N

أخر الاخبار

الخميس، 24 يناير 2019

توقعات الأبراج اليوم الخميس 24/1/2019 على الصعيد المهني والصحي والعاطفي.

توقعات الأبراج اليوم الخميس 24/1/2019 على الصعيد المهني والصحي والعاطفي.

شبكة اخبار السويداء | تعرف على حظك اليوم الخميس 24/1/2019 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر بكرا عم يكمل ببرج العذراء

-حظك اليوم الحمل

عندك مسؤوليات وشغل وقصة صحية ..
خلص الضروري عندك واطلب مساعدة اذا احتجت وعندك كتير قصص بدك تخلصها وبتحس حالك انو ماعم تلحق او وين بدك تبلش والمسؤوليات كبيرة رتب امورك وانتبه بنفس الوقت لصحتك وكل شي رح يمشي على خير بس لاتهمل الضروري حتى ماتنلام ونظم أكلك ..
عاطفيا .. كتير توتر بعلاقتك بالشريك عم يخليك تحس بعدم الراحة وماعم يكون عندك وقت لتقضي وقت معو ..
النسبة المئوية :
●مهنيا : %59 ●ماليا : %65 ●عاطفيا : %67 ●صحيا : %57

-حظك اليوم الثور

بيدعمك هاليوم بحلول وحظ وعاطفة ..
بيكتروا المحبين الك بهاليوم وبيدعمك الحظ وتغييرات لصالحك واوقات ممتعة اذا بدك وحتى في فرص لازم تستغلها لتصل للي بدك ياه المهم تكون جاهز والحظ داعمك ويوم ايجابي لتتم صفقة حتى وتحل مشكلة عائلية والأمور يلي فيها حظ مساعدة الك..
عاطفيا .. من افضل الأيام عاطفيا بتقضي وقت حلو وبتكون على موعد مع لقاءات رومنسية وفي رجعة لحب قديم ..
النسبة المئوية :
●مهنيا : %83 ●ماليا : %85 ●عاطفيا : %89 ●صحيا : %79

-حظك اليوم الجوزاء

يوم بيحملك تغيير سكن وقصص عائلية ..
هاليوم عم يشهد مكان جديد بشغل وسكن يمكن وشاغلك موضوع بالبيت طول الوقت وفي قلق عم يكون تجاه موضوع مصيري ويمكن يطرأ تغيير على شغلك كمان لكن اهم شي تنتبه لعيلتك وخاصة اهلك لان بحاجتك وممكن تبيع أو تشتري عقار ..
عاطفيا .. الوضع العام عم يكون في توتر بعلاقاتك لازم تدرس وضعك العاطفي منيح ماتخليه يأثر على علاقتك باهلك ..
النسبة المئوية :
●مهنيا : %66 ●ماليا : %63 ●عاطفيا : %69 ●صحيا : %60

-حظك اليوم السرطان

بين سفر وتواصل وتطورات داعمة بكون يومك ..
بتهتم بقصة بتخص أخ أو جار عندك ويمكن تشتري سيارة وعم تكون شاطر وذكي ومبدع بهاليوم وقادر على الاقناع ممكن تسافر وتتلقى اتصالات مهمة ناطرها بهاليوم كمان ممكن تغير موبايلك بس انتبهلي من حوادث السير وحاول تستغل يومك لتطلع وتشوف ناس غاليين عندك ..
عاطفيا .. من الأيام الجيدة وعندك جاذبية وحضور وين ماكنت فحاول تستغل هالشي ..
النسبة المئوية :
●مهنيا : %78 ●ماليا : %75 ●عاطفيا : %80 ●صحيا : %72



-حظك اليوم الأسد

عم تفكر بشغل وقصة مالية ناطرها ..
مصاريف جديدة عم تطلعلك بهاليوم وانت بوضع جيد وعم يكون عندك مشروع او قصة جديدة فيها مورد مالي ممكن تدفع مبلغ ماتكون حاسب حسابو وعندك كمان اعادة لحساباتك المالية ورح تحصل على المال من شغل اضافي الك او قصة فخليك دقيق بكل شي ..
عاطفيا .. يوم جيد يمكن عم تفكر اذا عندك شريك انو تجيب هدية او تحصل على هدية ويوم جيد نسبيا ..
النسبة المئوية :
●مهنيا : %70 ●ماليا : %73 ●عاطفيا : %75 ●صحيا : %76

-حظك اليوم العذراء

يوم في طاقة وحظ وانطلاقة جديدة ..
يوم بيدعمك وبعزز مكانتك وبتقدر تطلع من حالتك وعم ترجع وضعك وتحس انو قادر تغير كل شي وتقلب الأمور لصالحك ماتفكر بالماضي أبدا فكر ببكرا وعندك تطورات ايجابية واخبار حلوة ممكن تسمعا وتكون انت مسيطر على الوضع وكتير ممكن تغير بشكلك ..
عاطفيا .. يوم منيح لتتخلص من قصة قديمة تاعبتك او حتى لتبدا حب جديد وفي حلول وتحسن كبير ..
النسبة المئوية :
●مهنيا : %91 ●ماليا : %85 ●عاطفيا : %83 ●صحيا : %88

-حظك اليوم الميزان

وضع شاغلك وماعم تمشي امورك بهاليوم ..
في تراجع بوضعك العام وبتحس انو كل شي ضدك لكن هدي و ماتتخذ قررات حاسمة عم يكون يوم بطيء غير مرضي الك وعم تتأثر فيه من اي كلمة حاول تكون بعيد عن استفزاز محيطك وانتبه من بعض الناس يلي مابتريد الخير الك وتاكد انو فترة وبتمر ..
عاطفيا .. انت ساحر بحضرورك وعم تكون طلتك مميزة بس يبدو مافي مين يقدر ..
النسبة المئوية :
●مهنيا : %59 ●ماليا : %60 ●عاطفيا : %63 ●صحيا : %58

-حظك اليوم العقرب

يوم بتنعزم فيك وبكون في كتير رفقات بتدعمك..
انت بيوم في كتير ناس بتدعمك فيه وبدي منك ابدا ماتضل لحالك لان عم يكون الك سحر خاص وعندك القدرة تزيد علاقاتك وصداقاتك بهاليوم وحتى تطلب مساعدة وتحصل عليها واذا بتحب الاكل يمكن عندك عزيمة على غدا أو عشا بهاليوم ..
عاطفيا .. استغل حضورك الملفت وعندك يوم ايجابي لتقدر تجذب المحيطين الك ..
النسبة المئوية :
●مهنيا : %73 ●ماليا : %70 ●عاطفيا : %79 ●صحيا : %76



-حظك اليوم القوس

يوم لتطور مهم لقاء واختبار الك فانتبه ..
مهم يومك ومصيري وانت تحت الاختبار والامتحان فيه انتبه من الناس يلي ممكن ينتقدوك وعم يحطو علامات لمستواك المهني خليك حاضر وجاهز لكل شي ورح يكون يوم مميز ممكن يشهد ترقية او شغل جديد او تعامل مع مسؤولين بس لاتخالف القوانين ..
عاطفيا .. عندك حضور قوي بهيك يوم بس في موضوع بخص علاقتك عم يكون مصيري فكون هادي ..
النسبة المئوية :
●مهنيا : %78 ●ماليا : %73 ●عاطفيا : %81 ●صحيا : %75

-حظك اليوم الجدي

بيدعمك هاليوم بعلاقات مهمة وسفر وتواصل..
بتكون مميز بيومك وعم تحل كتير من مشاكلك وتطلع من التعب و انت أفضل ويومك حلو على صعيد التواصل خارج نطاق محيطك فرح يكون تعاملك مع ناس غريبة او جديدة وكمان في احتمالية لسفر وبداية علم او دراسة جديدة فخليك جاهز ليوم ايجابي عندك وفي حلول ..
عاطفيا .. يومك ممكن يحمل الك حب جديد من حدا كان بعيد بس بيخلق بينكن مشاعر ..
النسبة المئوية :
●مهنيا : %82 ●ماليا : %86 ●عاطفيا : %84 ●صحيا : %81

-حظك اليوم الدلو

بتحصل على مال وفي حلول لقضايا وقصص كمان ..
تحسن بالوضع العام عندك بعد توتر كبير وبترتاح من الضغط ويومك جيد ورح ينتهي الوضع يلي عانيت منو بالفترة الاخيرة وكون جاهز لمال من شراكة او ميراث وحتى حلول قضائية واستشفائية لكن بكون بالك عند حدا غالي هاليوم فخليك حدو ..
عاطفيا .. في حلول بعلاقتك بالأفق بس حاول تساير شوي وكل شي افضل وعاطفتك زايدة ..
النسبة المئوية :
●مهنيا : %67 ●ماليا : %77 ●عاطفيا : %74 ●صحيا : %70

-حظك اليوم الحوت

يوم بيحملك ضغط كبير وشراكات ممكنة ..
في كتير حساسية عندك مع المحيطين فيك ويمكن أنت مو مرتاح وعم يكون يوم في ضغط كبير بتحس انو ضايج بس مع هيك انتبه اذا بدك تتم شراكة جديدة و المهم تكون رايق لان في استفزاز كبير الك بهاليوم والند اقوى منك ..
عاطفيا .. استغل الوقت هاد لتتم ارتباط اذا اعذب وعم تفكر بهالشي بس لاتصعد خلاف مع شريك الك لان مارح يكون لصالحك ..
النسبة المئوية :
●مهنيا : %60 ●ماليا : %59 ●عاطفيا : %67 ●صحيا : %64

الفلكي منيب الشيخ

ليست هناك تعليقات:

إرسال تعليق