توقعات الأبراج اليوم الخميس 17/1/2019 على الصعيد المهني والصحي والعاطفي. توقعات الأبراج اليوم الخميس 17/1/2019 على الصعيد المهني والصحي والعاطفي. - شبكة اخبار السويداء S.N.N

أخر الاخبار

الخميس، 17 يناير 2019

توقعات الأبراج اليوم الخميس 17/1/2019 على الصعيد المهني والصحي والعاطفي.

توقعات الأبراج اليوم الخميس 1712019 على الصعيد المهني والصحي والعاطفي.

شبكة اخبار السويداء | تعرف على حظك اليوم الخميس 17/1/2019 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر بكون بكرا ببرج الجوزاء

-حظك اليوم الحمل

منيح يومك لسفر لقاءات وتواصل ونجاح ..
بتطلع من حالة الركود وبتكون أنشط وبتحس انك قادر تتحرك وتنجز وهاليوم فيه سفر قصير وبتكتر عندك الاتصالات بس انتبه من الحوادث كتير منيح اذا كنت بالسيارة او طريق سفر وممكن انو تشتري موبايل اليوم او تناقش بموضوع مهم وتصل لحلول وتنجح دراسيا .. 
عاطفيا .. اليوم كون رومنسيا وعزز علاقتك مع الشريك وعندك خطوات مهمة بعلاقتك..
النسبة المئوية :
●مهنيا : %73 ●ماليا : %76 ●عاطفيا : %79 ●صحيا : %72

-حظك اليوم الثور

انتبه لمصاريفك ويمكن تحصل على مال ..
منيح وضعك ويوم عم تبلش الأمور تميل فيه باتجاه هدوء نسبي وبدي ياك تنتبه لمصروفك وكرمك الزايد ما الو لزوم اليوم عم تصرف كتير وممكن تحصل على مبلغ مالي و الفرص افضل وملائمة والحظ مناسب وشغلك بلش يتحسن وعندك قدرة على الانجاز لاتتكاسل ..
عاطفيا .. ييحتاج منك الشريك الثقة لتبقى العلاقة بأمان وتتطور اكتر ..
النسبة المئوية :
●مهنيا : %70 ●ماليا : %79 ●عاطفيا : %73 ●صحيا : %63

-حظك اليوم الجوزاء

انفراج عندك وحلول وأخبار حلوة ..
مريت بظروف صعبة وعانيت كتير بالفترة الماضية وصار عندك بداية جديدة استغلها وحاول الوصول للي بدك ياه ورح تحصل على الدعم المطلوب بكل المجالات وافتح صفحة جديدة وغير كل شي لصالحك يوم عم تستعيد فيه ثقة المحيط فيك وتحسن وضعك بشكل كبير ....
عاطفيا .. يوم محير عاطفيا بيحملك سحر خاص فيك وقدرة على جذب الكل لإلك ..
النسبة المئوية :
●مهنيا : %92 ●ماليا : %87 ●عاطفيا : %89 ●صحيا : %81

-حظك اليوم السرطان

يوم في تأجيل وعدم رضا فانتبه ..
ماعم تكون مرتاح ويمكن عم تدخل نهار مابيدعم طموحك وفي تأجيل وعم تكون مرهق ما في اي تقدم الأمور عم تراوح مكانها وانت ما عم تعرف ليش عم يصير هيك معك حاول عدم التصرف باي شي مهم وانتبه لصحتك اليوم حتى يمر بسلام ولا تخاف بمر وبتكون افضل قريبا ..
عاطفيا .. انت بحاجة لفترة من الراحة لقلبك حاول ما تعاند الشريك هاليوم حتى ماتخسرو ..
النسبة المئوية :
●مهنيا : %61 ●ماليا : %59 ●عاطفيا : %68 ●صحيا : %60



-حظك اليوم الأسد

يوم لعزايم واجواء اجتماعية وعلاقات عندك ..
بعد ايام مصيري انت افضل ويوم عندك عم تكون فيه ملفت للنظر والكتير من القصص الاجتماعية عم تنتظر منك المشاركة اليوم رح تقابل ناس كتير ورفقات الك عبر عن قدراتك ولاتبقى لحالك وتفاعل مع الأصدقاء حتى ماتفوت بحالة اكتئاب او تحس بالوحدة ..
عاطفيا .. الخيارات الكتيرة مابتعني انك مرتاح قلبك نار عم تغلي وفي شي ناقصك ..
النسبة المئوية :
●مهنيا : %77 ●ماليا : %82 ●عاطفيا : %72 ●صحيا : %69

-حظك اليوم العذراء

امور مهنية وفرصة شغل جديد عندك ..
يوم مهم لازم تكون جاهز لأن قصة والكل عم يستفزك وعندك الكتير من الاعمال يلي بتحتاج منك الدقة والانتباه كون على قدر المسؤولية وتصرف بحكمة وحافظ على شغلك وانتبه من مخالفة القوانين وتعامل بحذر حتى ماتتعرض للمشاكل وتكون بوضع مو منيح..
عاطفيا .. لاتتسرع بالحكم على العلاقة ويمكن عدم فهم الشريك او اهمالو بسبب ظروف خاصة فيه ..
النسبة المئوية :
●مهنيا : %75 ●ماليا : %70 ●عاطفيا : %65 ●صحيا : %68

-حظك اليوم الميزان

يومك افضل بسفر ولقاءات وتغييرات ايجابية ..
انت منيح وعم تتحسن الأمور تدريجيا وعم تحصل على نجاحات ودعم وفي فرص للسفر والحديث مع اشخاص من خارج البلد والنجاح في الدراسات العليا بعد فترة اثرت عليك كتير وتعبتك لكن باي خطوة رح تعملها لازم تكون دقيق وتحسب كل شي منيح ورح تنجح اكيد ..
عاطفيا .. يوم بيحمل الك الكتير من الحلول والتقرب من الحبيب اذا بدك ..
النسبة المئوية :
●مهنيا : %85 ●ماليا : %84 ●عاطفيا : %88 ●صحيا : %81

-حظك اليوم العقرب

يوم اريح الك ومال وحلول ناطرتك ..
خليك ايجابي وبدي منك تستغل هاليوم بأفضل حال ماليا ومهنيا ويوم افضل انتبه فيه لنفقاتك المتزايدة وحاول انو تنتبه لان ممكن تخسر المال من شراكة وعم تكون مرتاح نسبيا بعد التوتر يلي مريت فيه ويوم منيح وانت افضل فلا تقلق وتفائل بالقادم وحل مشاكل وصالح اكيد ..
عاطفيا .. لاتفكر بطريقة سلبية وكون ايجابي لتعيد العلاقة مع الشريك لوضعها الطبيعي ..
النسبة المئوية :
●مهنيا : %67 ●ماليا : %76 ●عاطفيا : %70 ●صحيا : %64



-حظك اليوم القوس

يوم بيحملك شراكات وشغل لكن انتبه من انفعالك ..
يوم للشراكة وعم تقدر اليوم تتحرك باتجاه شخص مناسب ليكون معك بشغل وبدي منك بهاليوم تحاول انو تعزز من شراكاتك لأن الوضع ابدا مو متحمل وكون دبلماسي وابتعد عن الاستفزاز بكلامك حتى لا توقع بالمشاكل وعم تنخفض الطاقة عندك فخليك هادي وساير شوي ..
عاطفيا .. يوم بيحملك فرصة للارتباط اذا بدك وحاول لاتكبر المشاكل مع الشريك لان المرتبطين متوترة علاقتن هاليوم ..
النسبة المئوية :
●مهنيا : %60 ●ماليا : %63 ●عاطفيا : %67 ●صحيا : %58

-حظك اليوم الجدي

بداية شغل ومسؤوليات جديدة وقصة صحية ..
عم تدخل يوم كتير بيحمل معو أمور لازم تخلصها بوقتها وفي عندك تعب وشغل كثير عم ينتظرك انت بحاجة للانجاز بسرعة ركز على الضروري واترك وقت للراحة وانتبه لصحتك قدر الأمكان لان ممكن تعاني من اوجاع بجسمك هاليوم لكن مارح تكون خطيرة ..
عاطفيا .. لاتكتر من الغيرة على الشريك وحاول أنو تقوي ثقتك فيه حتى تكون اوضاعك العاطفية منيحة ..
النسبة المئوية :
●مهنيا : %61 ●ماليا : %66 ●عاطفيا : %64 ●صحيا : %58

-حظك اليوم الدلو

يوم منيح بالحب والحظ والحلول العائلية ..
انت أفضل بعد أيام عانيت فيها من كتير كلام من المقربين والعيلة وقصص صحية وانت بيوم بيحمل الك الدعم والفرص المناسبة للتقدم بيدعمك الحظ وبتحصل على النجاح ويمكن يجيك مبلغ مصاري فخليك متفائل ويوم ايجابي عندك لكن لاتخلي انفعالك يأثر واستغل فرصك ..
عاطفيا .. اجواء رومنسية مميزة حاول انو تلاقي الطريق لقلب الشريك وحب جديد اذا كنت عازب..
النسبة المئوية :
●مهنيا : %85 ●ماليا : %84 ●عاطفيا : %88 ●صحيا : %82

-حظك اليوم الحوت

تصليحات وقصص بالبيت عم تشغلك ..
حازل تروق لأن انت بيوم بدو هدوء وحكمة بالتعامل مع محيطك المقرب وعندك توتر على صعيد العيلة وقلق حاول أنو تبقى منتبه لردة فعلك وانو تساعد في حل الأمور وبامكانك انو تعزز الروابط مع المقربين او اعطال وتصليحات ممكنة بالبيت بدك تكون متعاون قدر الامكان ..
عاطفيا .. ما لازم أنو تقسو على الشريك وحاول تفهمو ويكون الحب بينكن مشاركة قدر الامكان ..
النسبة المئوية :
●مهنيا : %65 ●ماليا : %69 ●عاطفيا : %62 ●صحيا : %67

الفلكي منيب الشيخ

ليست هناك تعليقات:

إرسال تعليق