توقعات الأبراج اليوم الجمعة 7/12/2018 على الصعيد المهني والصحي والعاطفي. توقعات الأبراج اليوم الجمعة 7/12/2018 على الصعيد المهني والصحي والعاطفي. - شبكة اخبار السويداء S.N.N

أخر الاخبار

الجمعة، 7 ديسمبر 2018

توقعات الأبراج اليوم الجمعة 7/12/2018 على الصعيد المهني والصحي والعاطفي.

توقعات الأبراج اليوم الجمعة 7122018 على الصعيد المهني والصحي والعاطفي.

تعرف على حظك اليوم الجمعة 7/12/2018 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر بكرا بكمل ببرج القوس 

-حظك اليوم برج الحمل 

يومك منيح لتسافر وتتعرف على اشخاص جدد ..
يوم ايجابي في كتير قصص بتساعدك وقادر تغير الأمور لصالحك وعم يكون من افضل الأيام مبسوط وقادر توصل صوتك بسهولة وعم تتعرف على ناس جديد كمان عندك فرص لسفر واتصالات بعيدة بالمجمل يوم حافل عندك فاستغلو وانتبه من حوادث السير ..
عاطفيا .. تفائل لأن الوضع العاطفي عم يتحسن بهاليوم وقادر تحل اي مشكلة مع الشريك اذا بدك ..
النسبة المئوية :
●مهنيا : %81 ●ماليا : %86 ●عاطفيا : %89 ●صحيا : %83

-حظك اليوم برج الثور

يوم لحل قضائي اوراق ومال ومصالحات ..
بتطلع من ايام صعبة تعبتك هاليوم و عم تشعر بأنو الضغط بلش يخف عندك وامورك بلشت تنحل شوي شوي وعندك القدرة على التوصل لاتفاق ومصالحات ويوم بيحملك مال من شراكة او ميراث وكمان تحسن وراحة وحل لقضية قانونية او مصالحات..
عاطفيا .. استغل يومك وكون قريب من الشريك وحسن وضعك العاطفي ..
النسبة المئوية :
●مهنيا : %68 ●ماليا : %79 ●عاطفيا : %70 ●صحيا : %72

-حظك اليوم برج الجوزاء

شراكة او ارتباط عندك بهاليوم ..
يوم بيحتمل كل الخيارات عندك ولا تكون مزاجي وخليك متفهم لأن يومك في كتير من الأمور يلي بحاجة انتباه منك ممكن تتم شراكة وتحصل على اتفاق بخصوص موضوع مهم رغم انك منفعل زيادة بس رح تمر على خير وانتبهلي لعلاقاتك بالشغل وبالبيت ..
عاطفيا .. وضعك العاطفي بكون حساس بهاليوم مشان هيك انتبه وحاول تكون بعيد عن اي مواجهة وعند البعض في فرصة ارتباط ..
النسبة المئوية :
●مهنيا : %59 ●ماليا : %62 ●عاطفيا : %67 ●صحيا : %60

-حظك اليوم برج السرطان

عندك مسؤوليات بالبيت والشغل وقصة صحية ..
حاول هاليوم ترتب أمورك لتخلص كل شي بوقتو وانت محملها زيادة وشايل مسؤولية وانك لازم تتعب وتوجع قلبك بقصص الاهل والشغل بدي منك تروق وتشيل عن كتفك حمل لترتاح وصحيا كمان انتبه بهاليوم وخلص شغلك الضروري ..
عاطفيا .. عندك جاذبية بس بالك مو فاضي حاول تفصل بالأمور ولازم الشريك يتفهمك ..
النسبة المئوية :
●مهنيا : %62 ●ماليا : %56 ●عاطفيا : %67 ●صحيا : %59



-حظك اليوم برج الأسد

حظ افضل اطفال وحب وعاطفة ..
يوم بيدعمك بشكل كبير وبكون متل منفذ الك بعد ضيق وبتحل مشكلة بالبيت وعم يكون من الايام الحلوة يلي ناطرتك فيها اوقات ممتعة خليك جاهز لهالشي وكون واثق من قدرتك على قلب الأمور لصالحك وفي اخبار حلوة رح تسمعا وفرص رح تجيك بهالفترة وانجاب للبعض ..
عاطفيا .. عندك يوم حلو في كتير اوقات مميزة ممكن تستغلها مع الشريك وتنبسط فيها ..
النسبة المئوية :
●مهنيا : %84 ●ماليا : %81 ●عاطفيا : %89 ●صحيا : %86

-حظك اليوم برج العذراء

بتفكر بتغيير سكن او بيع عقار او قصة اهل ..
هاليوم متقلب عندك عم تفكر بقصة عقار بدك تبيع او تشتري وخليك رايق ولا تضوج و بدي منك تكون ايجابي وتبعد عن التفكير بسلبية وبتوتر وكل شي رح يكون افضل وانت بمرحلة مهمة بحياتك بدها انتباه وخاصة على صعيد اهلك وبيتك وكمان في سكن جديد للبعض ..
عاطفيا .. في كتير قصص براسك حاول تختار صح الشريك يلي بيستاهلك ..
النسبة المئوية :
●مهنيا : %65 ●ماليا : %61 ●عاطفيا : %67 ●صحيا : %60

-حظك اليوم برج الميزان

سفر قصير اتصالات انترنت وتطورات عندك ..
من الايام يلي بتشغلك فيها قصة بتخص اخ وكمان قصص بتخص موبايلم وانت مميز بحضورك وبكون عندك القدرة تتم كل شي وممكن تسافر وتتلقى اتصالات من ناس مهمة وتحصل على مواعيد بتفيدك لكن بدي منك تنتبه من حوادث السير وكمان لقصة بتخص الانترنت ..
عاطفيا .. تحسن كبير وحالتك جيدة واللقاء يلي رح يكون بهاليوم رح يكون متل مابدك ..
النسبة المئوية :
●مهنيا : %81 ●ماليا : %76 ●عاطفيا : %78 ●صحيا : %75

-حظك اليوم برج العقرب

يوم لتحصل مال لكن بتدفع كتير فانتبه ..
هاليوم عم تصرف كتير بلا ماتنتبه ومو مرتاح ماليا ويوم بيحملك مصاريف كبيرة لكن بالمقابل اذا ناطر مبلغ ممكن كتير يجيك بهاليوم مشان هيك جهزلي حالك وفكر كمان بشغل جديد يحسن وضعك المادي ويدعمك لقدام بمورد جديد ..
عاطفيا .. الظروف حلوة بعلاقتك حاول تحافظ على استقرار علاقتك وتكون مع الشريك ..
النسبة المئوية :
●مهنيا : %71 ●ماليا : %82 ●عاطفيا : %79 ●صحيا : %73



-حظك اليوم برج القوس

تطورات ايجابية وانفراج وحلول واخبار حلوة..
انت بوضع جيد حاليا صرت و عم تطلع من الاجواء السلبية يلي لازمتك وتحل أمورك وتكون قادر تقلب الأوضاع لصالحك وعندك الطاقة والحظ حاول قد مافيك تبدا من جديد ولا تلتفت للماضي حتى تنجح وتغير بشكلك ووضعك وتفتح صفحة جديدة وتسمع اخبار حلوة ..
عاطفيا ..يوم ممكن يحملك حب جديد او تطورات مهمة بعلاقتك مع الشريك ..
النسبة المئوية :
●مهنيا : %93 ●ماليا : %84 ●عاطفيا : %88 ●صحيا : %81

-حظك اليوم برج الجدي

يوم بتميل فيه للوحدة وانتبه صحيا ومهنيا ..
بتحس انو ماحدا عم يستوعب ظروفك ووضعك وضايج وانت مو عبعضك ومو مرتاح عم تكون بهاليوم في تأجيل ببعض الأمور عندك وهالشي عم يخليك مدايق من كتار من الناس بس ماتخاف وخلص شغلك الضروري وحاول تتجنب الناس يلي مابترتحلن بهاليوم ..
عاطفيا .. عم تبحث عن شخص صادق يكون بيستاهل يكون شريك الك بهالوقت ..
النسبة المئوية :
●مهنيا : %64 ●ماليا : %57 ●عاطفيا : %62 ●صحيا : %59

-حظك اليوم برج الدلو

يوم في قصة اجتماعية لقاء بغالي ومساعدة بتجيك ..
يوم منيح لتحضر مناسبة وتكون قريب من ناس بتحبن وانت ملفت للأنظار بهاليوم و عم تقضيه مع ناس غالية عليك وأجواء اجتماعية بامتياز بعزايم ولقاءات حلوة وفي مساعدة ممكن تتلقاها ورح يكون في دعم الك من الاصدقاء بس انت لاتبقى لحالك ..
عاطفيا .. طلتك حلوة وجاذبيتك مرتفعة بهاليوم فاستغل هالشي وممكن يكون فرصة لخطبة عند البعض ..
النسبة المئوية :
●مهنيا : %76 ●ماليا : %72 ●عاطفيا : %78 ●صحيا : %70

-حظك اليوم برج الحوت

يوم مصيري بقصة شغل ولقاء حدا مهم ..
بدي منك تنتبه بعلاقاتك وكون دقيق لأن عم تكون بيوم حساس بيحتاج منك الجاهزية الكاملة حتى يمرق بأفضل حال فيمكن عم يكون عندك لقاء مهم بالشغل او حتى امتحان وهالشي بيتطلب منك الانتباع ولاتخالف القوانين لتنجح وفرص شهرة وللبعض تشويه سمعة ..
عاطفيا .. تطور بعلاقتك ووضعك العاطفي جيد وفي فرص لاعجاب من شخص مهم عندك فحدد خياراتك ..
النسبة المئوية :
●مهنيا : %74 ●ماليا : %70 ●عاطفيا : %78 ●صحيا : %67

الفلكي منيب الشيخ

ليست هناك تعليقات:

إرسال تعليق