توقعات الأبراج اليوم السبت 22/12/2018 على الصعيد المهني والصحي والعاطفي. توقعات الأبراج اليوم السبت 22/12/2018 على الصعيد المهني والصحي والعاطفي. - شبكة اخبار السويداء -->

أخر الاخبار

السبت، 22 ديسمبر 2018

توقعات الأبراج اليوم السبت 22/12/2018 على الصعيد المهني والصحي والعاطفي.

توقعات الأبراج اليوم السبت 22122018 على الصعيد المهني والصحي والعاطفي.

تعرف على حظك اليوم السبت 22/12/2018 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر بكرا بكمل ببرج الجوزاء لينتقل المسا للسرطان
بالمقابل الشمس عم تنتقل بكرا لبرج الجدي لتعلن بداية الشتوية وتبلش ترجع الطاقة لمواليد الجدي يلي بدنا نعايدن ونقلن كل عام وهنن بألف خير .. 

-حظك اليوم برج الحمل

هاليوم دير بالك على اهلك ولاتنفعل خاصة المسا ..
نهارك خلو وقادر تصل وتقنع مع افراد عيلتك او المحيطين فيك وكمان مميز بوجهة نظرك وحتى في فرصة لسفر قصير عندك لكن ممكن تنشغل بقصة بتخص احد الأخوة او الاهل حاول تكون متفهم حتى تنحل ..
عاطفيا .. عندك القدرة انو تجذب الناس الك بهاليوم ولقاء حلو عاطفي ممكن اذا بدك ..
النسبة المئوية :
●مهنيا : %76 ●ماليا : %69 ●عاطفيا : %72 ●صحيا : %70
 الشمس بالجدي : بتعطيك فرص مهنية جديدة لكن احتمال تتعرض لتشويه سمعة وبتكون اعمالك مراقبة من البعض فكون جاهز ..

-حظك اليوم برج الثور

امور مالية عندك وتحسن بعلاقاتك المسا وسفر ..
بدي منك تعيد حساباتك المالية اليوم وفيك تشوف شو الك وشو عليك وتضب ايدك وتفكر بموارد جديدة للدخل عندك وحتى ممكن تحصل على مبلغ بهاليوم والمسا بتكون نشيط وبتتواصل مع ناس كتير عندك ..
عاطفيا .. وضعك جيد لكن ماحدا عم يقدر مشاعرك متل مابدك وهالشي عم يزعجك ..
النسبة المئوية :
●مهنيا : %77 ●ماليا : %81 ●عاطفيا : %75 ●صحيا : %74
الشمس بالجدي : بتدعم عندك حركة السفر والتواصل البعيد والعلاقات والنجاح والاهتمامات الدينية والفلسفية ..

-حظك اليوم برج الجوزاء

يومك مميز بين انفراج ومال عندك ..
طاقتك عالية ووضعك أفضل بكتير وعم تقدر تأثر بشكل كبير على محيطك وتحل مشاكلك وتغير الأمور لصالحك حاول تستفيد من هاليوم ببدايات جديد وكمان بتعيد حساباتك المالية وخفف مصروفك المسا ..
عاطفيا .. معنويات عالية عندك فيك تخلص من ماضي تعبك وتبدا بحب جديد إذا بدك ..
النسبة المئوية :
●مهنيا : %85 ●ماليا : %90 ●عاطفيا : %82 ●صحيا : %80
الشمس بالجدي : بتحل عندك مشاكل قضائية وبتمنحك فرص لمصالحات ومال من شاراكات او ورتة ..

-حظك اليوم برج السرطان

روق وهدي بنهارك وعندك شي حلو المسا ..
بالنهار بتدايق ومو عرفان لي هيك الأمور ماشية ضدك والناس عم تزيدها عليك وفي عرقلة وتأجيل وحاول ماتعمل شي مهم الصبح وانتظر المسا يلي رح يشهد تحسن نسبي الك وعودة الحلول والطاقة ..
عاطفيا .. عم تحس بوحدة وماعم ترتاح لتصرفات الشريك وكأنو في شي عم يصير غريب والمسا منيح وضعك ..
النسبة المئوية :
●مهنيا : %80 ●ماليا : %75 ●عاطفيا : %79 ●صحيا : %70
الشمس بالجدي : بتعطيك فرص لشراكات جديدة مهنية او حتى ارتباط لكن بكون انفعالك زايد وطاقتك منخفضة فانتبه ..



-حظك اليوم برج الأسد

بكون جيد يومك بكترة الناس لكن لاتأمن للكل ..
بكون عندك يوم حلو وفي عزايم وحلو باللقاءات مع اشخاص بتحبن وبتحس بدعم كبير من الاصدقاء إلك وفيك تطلب مساعدة اذا بدك لتعمل شي انتبه من مشاكل متوقعة بالسهرة وكون هادي حتى تمر ..
عاطفيا .. عم تكون ساحر بالنهار وكتير ناس حوليك وعندك حضور ملفت وقدرة على استيعاب الكل وهالشي بيمنحك اجواء حلوة ..
النسبة المئوية :
●مهنيا : %63 ●ماليا : %70 ●عاطفيا : %67 ●صحيا : %60
الشمس بالجدي : بتعطيك فرص لبداية مسؤوليات جديدة ويمكن تمر بوعكة صحية عابرة ويفضل تلعب رياضة وتتبع نظام غذائي ..

-حظك اليوم برج العذراء

موضوع مصيري بالشغل ولقاء بصديق ..
بدي منك دقة وحذر بشغلك لان في قصة بتتعلق بمخالفة القوانين عندك انتبه منها وحاول تجهز حالك للقاء شخص مهم ولاتهمل شغلك الضروري أكيد وكمان المسا حضر حالك للقاء حلو وعزيمة ممكنة عندك ..
عاطفيا .. الأجواء مو كتير مريحة عندك ومدايق وحساسيتك عالية بهاليوم فحاول تهدى ..
النسبة المئوية :
●مهنيا : %74 ●ماليا : %64 ●عاطفيا : %67 ●صحيا : %70
الشمس بالجدي : من افضل الفترات لتدخل علاقة عاطفية او ترجع حب قديم وكمان تنجب طفل جديد وبتدعمك بالحظوظ ..

-حظك اليوم برج الميزان

منيح يومك بلقاءات وشغل وسفر كمان ..
تطورات حلوة بتدعمك و في كتير امور ايجابية لتغير شي ممكن تسافر وتتعرف على اشخاص جديدة ممكن تبدا علم جديد او حتى رياضة كمان ممكن تكون المسا على موعد مهم ومصيري فخليك جاهز ..
عاطفيا .. يوم منيح لتعزز علاقتك بالشريك وفي كتير امور ايجابية عندك وطلتك غير شكل ..
النسبة المئوية :
●مهنيا : %83 ●ماليا : %80 ●عاطفيا : %77 ●صحيا : %74
الشمس بالجدي : انتبه لقصص البيت والامور العقارية ويمكن تهتم لحدا من أهلك ويكون عندك تغيير سكن او تصليحات ببيتك ..

-حظك اليوم برج العقرب

بيدعم يومك المال والحلول والسفر ..
مميز بطلتك وكتير من القصص والحلول الممكنة كمان ماليا ممكن تحصل على مصاري من شخص كان بينكن شراكة او تدفع لتجيب هديه لحدا كمان المسا عم يكون مناسب لتحاكي ناس جديدة بحياتك ..
عاطفيا .. تطورات ايجابية عم تشهدها علاقتك وفي تحسن بعد فترة صعبة مريتو فيها ..
النسبة المئوية :
●مهنيا : %73 ●ماليا : %82 ●عاطفيا : %76 ●صحيا : %80
الشمس بالجدي : مناسبة هي الفترة لسفر وتواصل افضل ونجاح بمجالات كتير وكمان انتبهلي من حوادث السير وقصص الانترنت ..



-حظك اليوم برج القوس

تطورات بشراكاتك ومال وحلول عندك ..
بداية نهار فيها ضغط عليك وكتير عم تنفعل بسرعة وفي استفزاز كبير من المحيطين الك لاتخاف فيك تستفيد لأن بتم شراكة او حتى ارتباط والمسا بتناقش امور مالية عندك وبترتاح من الضغط يلي انت فيه ..
عاطفيا .. تعامل مع مجريات الامور برواق وحاول ماترد على الكلام الاستفزازي من الشريك ..
النسبة المئوية :
●مهنيا : %63 ●ماليا : %62 ●عاطفيا : %68 ●صحيا : %64
الشمس بالجدي : بتدعمك ماليا بفرص وموارد جديدة وحتى شغل بس بدي منك تنتبه لمصاريفك الزايدة ..

-حظك اليوم برج الجدي

في مسؤوليات كتير وضغط عليك انتبه وروق ..
لازم تكون جاهز ليوم طويل فكر بالضروري واهدى وحسن وضع شغلك ونظم أمورك وكل شي رح يكون افضل كمان في فرصة لشراكات جديدة عندك بس انتبه من عصبيتك تنهي شراكة عندك ضعيفة او تسبب قصة..
عاطفيا .. عم تفكر يمكن بارتباط والأمور عندك عم يكون فيها كتير انزعاج من تصرفات الشريك ..
النسبة المئوية :
●مهنيا : %57 ●ماليا : %60 ●عاطفيا : %62 ●صحيا : %65
الشمس ببرجك : بتمنحك طاقة وحظ وانطلاقة جديدة وتحسن كبيرة بتعزز مكانتك الاجتماعية وبتوضح الأمور عندك ..

-حظك اليوم برج الدلو

بيدعمك هاليوم لكن انتبه المسا صحيا ..
بداية نهارك منيحة لكن الشي الأهم بأنو هي الفترة ممكن تكون مصيرية بفرصة ممكن تجيك وتحملك شغل جديد او بداية جديدة او تغيير بوضعك المهني فكون جاهز وانتبه من تراكم الامور وتعب المسا ..
عاطفيا .. كتير من المغريات بعلاقاتك العاطفية وفي حب عم يكبر ويوم حلو عاطفيا واذا اعذب فرصة لحب جديد ..
النسبة المئوية :
●مهنيا : %78 ●ماليا : %75 ●عاطفيا : %82 ●صحيا : %76
الشمس بالجدي : بتعطيك فرص للعمل ضمن مؤسسة وممكن تأثر عليك من حيث غدر بعض الاشخاص فيك فانتبه ..

-حظك اليوم برج الحوت

يوم بيحملك قصص بالبيت والمسا افضل ..
بعدها امور البيت شاغلتك وعم تخليك تفكر بحلول الها وحاسس بانك ضايج لكن هاليوم عم يشهد تحسن كبير المسا بالحظ والوضع العام عندك بس دير بالك عأهلك وبيتك وكل شي رح يصير أفضل ..
عاطفيا .. عم تحس بعاطفة كبيرة تجاه شخص حاول تكون رومنسي لان يوم بيتطلب هيك خاصة المسا ..
النسبة المئوية :
●مهنيا : %74 ●ماليا : %82 ●عاطفيا : %85 ●صحيا : %80
الشمس بالجدي : بتعزز علاقاتك الاجتماعية وبتعطيك حضور مميز ويمكن تتحقق عندك امنية بمساعدة صديق ..

الفلكي منيب الشيخ

ليست هناك تعليقات:

إرسال تعليق