توقعات الأبراج اليوم الاربعاء 7/11/2018 على الصعيد المهني والصحي والعاطفي. توقعات الأبراج اليوم الاربعاء 7/11/2018 على الصعيد المهني والصحي والعاطفي. - شبكة اخبار السويداء S.N.N

أخر الاخبار

الأربعاء، 7 نوفمبر 2018

توقعات الأبراج اليوم الاربعاء 7/11/2018 على الصعيد المهني والصحي والعاطفي.

توقعات-الأبراج-اليوم-الاربعاء-7-11-2018

تعرف على حظك اليوم الاربعاء 7/11/2018 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر بكرا عم يكمل ببرج العقرب 

-حظك اليوم برج الحمل 

عم تحل قضية وتحصل على مال وترتاح ..
بهاليوم كل شي عم يكون أفضل عندك بعد توتر كبير وبترتاح من الضغط والتوتر ويومك جيد ورح ينتهي الوضع يلي عانيت منو بالفترة الاخيرة وكون جاهز لمال من شراكة او ميراث وحتى حلول قضائية واستشفائية لكن بكون بالك عند حدا غالي هاليوم فخليك حدو ..
عاطفيا .. في حلول بعلاقتك بالأفق بس حاول تساير شوي وكل شي افضل وعاطفتك زايدة ..
النسبة المئوية :
●مهنيا : %68 ●ماليا : %77 ●عاطفيا : %74 ●صحيا : %70

-حظك اليوم برج الثور 

عم يكون يومك جيد لشراكات مهنية وعاطفية ..
علاقاتك وشراكاتك بتمر بفترة حساسة ويمكن أنت مو مرتاح وعم يكون يوم في ضغط كبير عندك بتحس انو ضايج بس مع هيك ملائم لتتم شراكة جديدة تحسن فيها وضعك المهني او حتى لتشتغل مع شركة المهم تكون رايق لان في استفزاز كبير الك بهاليوم والند اقوى منك ..
عاطفيا .. استغل الوقت هاد لتتم ارتباط اذا اعذب وعم تفكر بهالشي بس لاتصعد خلاف مع شريك الك لان مارح يكون لصالحك ..
النسبة المئوية :
●مهنيا : %58 ●ماليا : %59 ●عاطفيا : %67 ●صحيا : %64

-حظك اليوم برج الجوزاء 

يوم لشغل جديد مسؤوليات اضافية وقصة صحية ..
يمكن لازم تكتب الشي الضروري عندك حتى ماتنساه بهاليوم وعندك كتير قصص بدك تخلصها وبتحس حالك انو ماعم تلحق او وين بدك تبلش والمسؤوليات كبيرة رتب امورك وانتبه بنفس الوقت لصحتك وكل شي رح يمشي على خير بس لاتهمل الضروري حتى ماتنلام ونظم أكلك ..
عاطفيا .. كتير توتر بعلاقتك بالشريك عم يخليك تحس بعدم الراحة وماعم يكون عندك وقت لتقضي وقت معو ..
النسبة المئوية :
●مهنيا : %58 ●ماليا : %65 ●عاطفيا : %67 ●صحيا : %56

-حظك اليوم برج السرطان 

يوم منيح بحظ عاطفي ومهني واوقات حلوة ..
عم تكون قريب من ناس بتحبن بهاليوم وبيدعمك الحظ وتغييرات لصالحك واوقات ممتعة اذا بدك وحتى في فرص لازم تستغلها لتصل للي بدك ياه المهم تكون جاهز والحظ داعمك ويوم ايجابي لتتم صفقة حتى وتحل مشكلة عائلية والأمور يلي فيها حظ مساعدة الك..
عاطفيا .. من افضل الأيام عاطفيا بتقضي وقت حلو وبتكون على موعد مع لقاءات رومنسية وفي رجعة لحب قديم ..
النسبة المئوية :
●مهنيا : %84 ●ماليا : %85 ●عاطفيا : %89 ●صحيا : %79

-حظك اليوم برج الأسد 

يوم لتغيير مكان سكن وشغل وقصص عائلية ..
يوم عم تكون فيه بمكان جديد بشغلك حتى سكنك بتغيروا يمكن وشاغلك موضوع بالبيت طول الوقت وفي قلق عم يكون تجاه موضوع مصيري ويمكن يطرأ تغيير على شغلك كمان لكن اهم شي تنتبه لعيلتك وخاصة اهلك لان بحاجتك وممكن تبيع أو تشتري عقار ..
عاطفيا .. الوضع العام عم يكون في توتر بعلاقاتك لازم تدرس وضعك العاطفي منيح ماتخليه يأثر على علاقتك باهلك ..
النسبة المئوية :
●مهنيا : %65 ●ماليا : %63 ●عاطفيا : %69 ●صحيا : %60

-حظك اليوم برج العذراء 

سفر قصير اتصالات كتير حركة ونجاح ..
عم تهتم بقصة بتخص أخ أو جار عندك ويمكن تشتري سيارة وعم تكون شاطر وذكي ومبدع بهاليوم وقادر على الاقناع ممكن تسافر وتتلقى اتصالات مهمة ناطرها بهاليوم كمان ممكن تغير موبايلك بس انتبهلي من حوادث السير وحاول تستغل يومك لتطلع وتشوف ناس غاليين عندك ..
عاطفيا .. من الأيام الجيدة وعندك جاذبية وحضور وين ماكنت فحاول تستغل هالشي ..
النسبة المئوية :
●مهنيا : %77 ●ماليا : %75 ●عاطفيا : %80 ●صحيا : %72

-حظك اليوم برج الميزان 

ناطرك مال وفي شغل جديد وترتيب حسابات ..
في مصاريف عندك عم تطرأ بهاليوم وانت بوضع جيد وعم يكون عندك مشروع او قصة جديدة فيها مورد مالي ممكن تدفع مبلغ ماتكون حاسب حسابو وعندك كمان اعادة لحساباتك المالية ورح تحصل على المال من شغل اضافي الك او قصة فخليك دقيق بكل شي ..
عاطفيا .. يوم جيد يمكن عم تفكر اذا عندك شريك انو تجيب هدية او تحصل على هدية ويوم جيد نسبيا ..
النسبة المئوية :
●مهنيا : %72 ●ماليا : %83 ●عاطفيا : %75 ●صحيا : %76

-حظك اليوم برج العقرب 

يوم كتير أفضل وفي طاقة وبداية جديدة وانفراج ..
من افضل أيام الشهر لتحسم أوضاعك وتطلع من حالتك وعم ترجع طاقتك وتحس انو قادر تغير كل شي وتقلب الأمور لصالحك ماتفكر بالماضي أبدا فكر ببكرا وعندك تطورات ايجابية واخبار حلوة ممكن تسمعا وتكون انت مسيطر على الوضع وكتير ممكن تغير بشكلك ..
عاطفيا .. يوم منيح لتتخلص من قصة قديمة تاعبتك او حتى لتبدا حب جديد وفي حلول وتحسن كبير ..
النسبة المئوية :
●مهنيا : %94 ●ماليا : %85 ●عاطفيا : %83 ●صحيا : %88

-حظك اليوم برج القوس 

يوم فيه مضايقات وتأجيل وقصة صحية ..
عم تتراجع معنواياتك بهاليوم وبتحس انو كل شي ضدك لكن هدي و ماتتخذ قررات حاسمة عم يكون يوم بطيء غير مرضي الك وعم تتأثر فيه من اي كلمة حاول تكون بعيد عن استفزاز محيطك وانتبه من بعض الناس يلي مابتريد الخير الك وتاكد انو فترة وبتمر ..
عاطفيا .. انت ساحر بحضرورك وعم تكون طلتك مميزة بس يبدو مافي مين يقدر ..
النسبة المئوية :
●مهنيا : %57 ●ماليا : %60 ●عاطفيا : %63 ●صحيا : %58

-حظك اليوم برج الجدي 

منيح يومك ليدعمك صديق ولأجواء اجتماعية..
حاول تستغل هاليوم لتحقق أمنية بمساعدة رفيق اك ويوم حلو بدي منك ابدا ماتضل لحالك لان عم يكون الك سحر خاص وعندك القدرة تزيد علاقاتك وصداقاتك بهاليوم وحتى تطلب مساعدة وتحصل عليها واذا بتحب الاكل يمكن عندك عزيمة على غدا أو عشا بهاليوم ..
عاطفيا .. استغل حضورك الملفت وعندك يوم ايجابي لتقدر تجذب المحيطين الك ..
النسبة المئوية :
●مهنيا : %74 ●ماليا : %70 ●عاطفيا : %79 ●صحيا : %76

-حظك اليوم برج الدلو 

يوم لشغل جديد أو منصب أو مكانة جديدة بحياتك ..
عم تدخل يوم مصيري وانت تحت الاختبار والامتحان فيه انتبه من الناس يلي ممكن ينتقدوك وعم يحطو علامات لمستواك المهني خليك حاضر وجاهز لكل شي ورح يكون يوم مميز ممكن يشهد ترقية او شغل جديد او تعامل مع مسؤولين بس لاتخالف القوانين ..
عاطفيا .. عندك حضور قوي بهيك يوم بس في موضوع بخص علاقتك عم يكون مصيري فكون هادي ..
النسبة المئوية :
●مهنيا : %77 ●ماليا : %73 ●عاطفيا : %81 ●صحيا : %75

-حظك اليوم برج الحوت 

يوم جيد لتسافر ولتبدا دراسة جديدة وتتعرف على ناس جدد..
عم تكون مسيطر وتحل كتير من مشاكلك وتطلع من التعب و انت أفضل ويومك حلو على صعيد التواصل خارج نطاق محيطك فرح يكون تعاملك مع ناس غريبة او جديدة وكمان في احتمالية لسفر وبداية علم او دراسة جديدة فخليك جاهز ليوم ايجابي عندك وفي حلول ..
عاطفيا .. يومك ممكن يحمل الك حب جديد من حدا كان بعيد بس بيخلق بينكن مشاعر ..
النسبة المئوية :
●مهنيا : %83 ●ماليا : %86 ●عاطفيا : %84 ●صحيا : %81

الفلكي منيب الشيخ

ليست هناك تعليقات:

إرسال تعليق