توقعات الأبراج اليوم الاثنين 26/11/2018 على الصعيد المهني والصحي والعاطفي. توقعات الأبراج اليوم الاثنين 26/11/2018 على الصعيد المهني والصحي والعاطفي. - شبكة اخبار السويداء S.N.N

أخر الاخبار

الاثنين، 26 نوفمبر 2018

توقعات الأبراج اليوم الاثنين 26/11/2018 على الصعيد المهني والصحي والعاطفي.

توقعات الأبراج اليوم الاثنين 26112018 على الصعيد المهني والصحي والعاطفي.

تعرف على حظك اليوم الاثنين 26/11/2018 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر بكرا بكمل ببرج السرطان 

-حظك اليوم برج الحمل 

عم تفكر بتغيير بيت او شغل وعندك قصة عائلية..
يبدو انو هاليوم بيحمل معو شوية مضايقات وتغييرات وفي قصة عائلية ممكن تتجدد وماعم تعرف مين بدك ترضي والكل متوتر حاول تهدي الأجواء ودير بالك على صحة الأهل ويوم رح يمر بس حاول تخفف حساسيتك بهي المواضيع المصيرية عندك ..
عاطفيا .. بدي منك تركز على حبك وماتخلي وضعك يأثر على علاقتك بالشريك بهي الفترة ..
النسبة المئوية :
●مهنيا : %64 ●ماليا : %62 ●عاطفيا : %67 ●صحيا : %60

-حظك اليوم برج الثور 

منيح يومك وفي سفر واتصالات ولقاءات ..
من الايام يلي بتدعم تحركاتك وحلول بمجال الاوراق والدراية وقادر تقنع بهاليوم ويكون الك طلة مميزة وحضور كمان في تتحرك تسافر او تتلقى اتصالات كتير يعني انت محور العلاقات بهاليوم كمان عندك قصة بتخص موبايلك او سيارة اذا عندك واكيد انتبه من الحوادث ..
عاطفيا .. يوم منيح وكتير في تواصل حلو مع الشريك بهيك يوم ..
النسبة المئوية :
●مهنيا : %77 ●ماليا : %75 ●عاطفيا : %70 ●صحيا : %72

-حظك اليوم برج الجوزاء 

عندك مال ممكن يجيك لكن عندك مصاريف كمان ..
يبدو انك بحاجة حسابات كتير هاليوم وانت مضغوط ماليا ويومك عم يكون لتفكر بشو الك وشو عليك من التزامات مالية يمكن تكون بحاجة ويمكن لازم تدفع لشخص وناطر مبلغ يجيك المهم بدي منك تفكر بشغل جديد ورح تنجح بهي الفترة ..
عاطفيا .. الوضع العاطفي عندك عم يكون متقلب وماعم تعرف تاخد قرار بدي منك تروق ..
النسبة المئوية :
●مهنيا : %76 ●ماليا : %82 ●عاطفيا : %70 ●صحيا : %73



-حظك اليوم برج السرطان 

تطورات بتدعمك وبتعطيك فرص جديدة ..
عم تجتاز الاوضاع الصعبة بنجاح هاليوم وبتطلع من تعبك وعندك يوم مميز بحظ وطاقة جديدة جواتك الأمور جيدة لاتخاف وفكر كيف تغير بأمورك اليوم تخلص من الماضي وفكر ببكرا بخطوات جديدة واهدافك رح تكون قدامك وعندك ناس رح تساعدك ..
عاطفيا .. جاذبيتك عالية بهاليوم وعم تكون مليان طاقة حاول تفكر بحب جديد او تحسن علاقتك بالشريك ..
النسبة المئوية :
●مهنيا : %91 ●ماليا : %84 ●عاطفيا : %87 ●صحيا : %81

-حظك اليوم برج الأسد 

يومك بدو هدوء وماتتسرع بشي ..
يوم مابيمشي متل مابدك مشان هيك بدي تهدي وماتخاف يوم ورح يمر وترجع فيه أمورك افضل بكتير يمكن اليوم تتأجل فيه أمورك وتحسو مسكرة بوجهك وشاكك بكتير ناس طبيعي هاد الشي لاتخاف يوم ويمر وكل شي رح يتغير للأفضل عندك ..
عاطفيا .. حاول تكون حذر بمشاعرك لان مو الكل بيستاهلو حبك وتأكد من مشاعر الشريك بالأول ..
النسبة المئوية :
●مهنيا : %58 ●ماليا : %63 ●عاطفيا : %60 ●صحيا : %59

-حظك اليوم برج العذراء 

لقاءات حلوة وعزايم عندك هاليوم ..
من الايام يلي بتدعم علاقاتك الاجتماعية وانت مميز بحضورك وعم يكون يومك حافل بلقاءات حلوة مع اصدقاء بترتاح معن ممكن كتير تنعزم على اكل او قهوة مع حدا ورح يكون فيك تطلب مساعدة بهاليوم تتلبى بالمجم لاتبقى لحالك وفكر كيف تعبي وقتك ..
عاطفيا .. عم تقدر تكون مميز بطلتك وعندك جاذبية بين الكل بهيك يوم ..
النسبة المئوية :
●مهنيا : %77 ●ماليا : %68 ●عاطفيا : %73 ●صحيا : %66



-حظك اليوم برج الميزان 

عندك قصص بشغلك والتزامات مهمة هاليوم ..
لازم تكون جاهز لان العين عليك من المحيطين فيك فخليك ذكي وانتبه بهاليوم لان عم تكون على موعد مع مسؤوليات مهمة وجديدة وامور مصيرية حاول تنجز كل شي وانتبه بتعاملك مع المسؤولين عنك وحاول ماتخالف القوانين ورح تنجح وتصل ..
عاطفيا .. عندك يوم متقلب عم تكون فيه مو مرتاح كتير من تعامل الشريك ..
النسبة المئوية :
●مهنيا : %73 ●ماليا : %66 ●عاطفيا : %69 ●صحيا : %63

-حظك اليوم برج العقرب 

منيح يومك لتحل مشاكل وتطلع من تعبك ..
عم تخلص من قصص تعبتك الفترة الماضية وانت افضل وساحر وعم تكون بيوم داعم بشكل كبير الك بقدملك الفائدة والتطورات الحلوة بسفر او علم جديد او حتى ناس جديدة بتدخل حياتك وبتتعرف عليها مشان هيك كون جاهز وحسن من وضعك العام ..
عاطفيا .. قادر بهاليوم تكون محط انظار كتار وتصل للمكان يلي بتطمح الو بعلاقاتك ..
النسبة المئوية :
●مهنيا : %87 ●ماليا : %84 ●عاطفيا : %89 ●صحيا : %81

-حظك اليوم برج القوس 

تطورات حلوة بوضعك ومال ممكن يجيك ..
بهاليوم استغل الظروف لصالحك وفكر بحلول وكمان هاليوم لتحصل على مال أو لتحل مشكلة كانت قبل بالمجمل عندك يوم أريح وعم تحس انك عم تستعيد عافيتك مشان هيك فكر كيف تصل لصيغة تفاهم مع المحيطين فيك وتحسن وضعك ..
عاطفيا .. يوم افضل عم يكون في مشاعر حلوة وقوية تجاه الشريك ..
النسبة المئوية :
●مهنيا : %68 ●ماليا : %75 ●عاطفيا : %73 ●صحيا : %67

-حظك اليوم برج الجدي 

كل المحيطين فيك صايرين عم يزعجوك ..
حاول تكون بعيد عن المواجهات واستغل يومك بذكى والأهم فيه انك عم تكتشف ناس على حقيقتها كنت مفكرن أصدقاء وبيطلعوا اعداء انتبه ومرقلي هاليوم لان الكل عم يكون ضدك وفترة وبتمر واذا عندك شراكة جديدة فوت فيها وكمل لكن بحذر ..
عاطفيا .. عندك كتير عصبية بهاليوم لكن فرصة لتتم ارتباط او شراكة مع شخص بتحبو وبترتحلو ..
النسبة المئوية :
●مهنيا : %59 ●ماليا : %63 ●عاطفيا : %66 ●صحيا : %57

-حظك اليوم برج الدلو 

انتبه لصحتك ولا تهمل شغلك الضروري ..
بدي منك تكون سريع ودقيق من بداية نهارك وبنفس الوقت تحاول ترتاح وكون حذر وخلص أمور شغلك بوقتا ولا تهمل الضروري منها بهاليوم وبالمجمل وضعك في ضغط ومسؤوليات بس منيح وكمان اذا مريض لاتخاف مرض مؤقت بس ريح حالك وراعي صحتك ..
عاطفيا .. حاول ماتعتب على حدا واترك الشريك للأيام ولحالو رح يفهمك وقرب وجهات النظر ..
النسبة المئوية :
●مهنيا : %58 ●ماليا : %59 ●عاطفيا : %62 ●صحيا : %61

-حظك اليوم برج الحوت 

يومك منيح وفي اخبار حلوة بالشغل ..
بلشت اوضاعك تتحسن نسبيا هالفترة ومن أفضل الايام لتفكر بطفل او تقضي اوقات حلوة و مشان هيك بدي منك تستغلو وتحسن وضعك فيه كمان الحظوظ عم تكون معك ومساعدة لتنجح وتصل وتستغل فرص مناسبة لنجاحك ..
عاطفيا .. بدي منك تتقرب من الشريك بهاليوم لان الحظ معك وحليان وجاذبيتك عالية ..
النسبة المئوية :
●مهنيا : %85 ●ماليا : %83 ●عاطفيا : %90 ●صحيا : %81

الفلكي منيب الشيخ

ليست هناك تعليقات:

إرسال تعليق