توقعات الأبراج اليوم الاثنين 19/11/2018 على الصعيد المهني والصحي والعاطفي. توقعات الأبراج اليوم الاثنين 19/11/2018 على الصعيد المهني والصحي والعاطفي. - شبكة اخبار السويداء -->

أخر الاخبار

الاثنين، 19 نوفمبر 2018

توقعات الأبراج اليوم الاثنين 19/11/2018 على الصعيد المهني والصحي والعاطفي.

توقعات الأبراج اليوم الاثنين 19112018 على الصعيد المهني والصحي والعاطفي.

تعرف على حظك اليوم  الاثنين 19/11/2018 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر عم يستمر ببرج الحمل 

-حظك اليوم برج الحمل 

يوم حلو ناطرك وتطورات ايجابية ..
بتتحسن أمورك بشكل كبير هاليوم وبكوم في انفراج بوضعك لان مدعوم بالحظ والاوقات المميزة وعم تقدر ترجع شي من ثقتك بحالك ومكانتك عند الناس فلا تتردد بأي مشروع جديد او صفحة جديدة ..
عاطفيا .. حاول تكسب ثقة الشريك من جديد وتعامل بهدوء مع الموقف لترجع وضعك العاطفي أفضل ..
النسبة المئوية :
●مهنيا : %92 ●ماليا : %87 ●عاطفيا : %86 ●صحيا : %74

-حظك اليوم برج الثور 

يوم في قصص مابتريحك فانتبه ..
روق لأن عم تكون مدايق وحاسس بعدم الراحة والتعب يلي انت فيه حاول تكون بعيد عن المشاكل او القصص الغير مدروسة لان رح ترجع عليك فانتبه ولاتجازف حتى صحتك بدها مراعاة واكيد فترة وبتمر ..
عاطفيا .. يوم مخيب من جهة الشراكة وماعم يصل الحب عندك للمستوى المطلوب ..
النسبة المئوية :
●مهنيا : %57 ●ماليا : %62 ●عاطفيا : %66 ●صحيا : %60

-حظك اليوم برج الجوزاء 

اجواء حلوة ولقاءات مع ناس غاليين ..
بتتحسن وبتكون حالتك أفضل وبتنشغل بالاجواء الاجتماعية بتستقبل ناس وبتشوف ناس بس اهم شي لاتحاول تضل لحالك هاليوم واطلب مساعدة اذا احتجتا من صديق وعزز علاقاتك الاجتماعية مع محيطك ..
عاطفيا .. لاتسمح للأجواء المشحونة تفوتك اي علاقة وبدون تفكير هالشي ممكن يأذيك لقدام ..
النسبة المئوية :
●مهنيا : %70 ●ماليا : %69 ●عاطفيا : %73 ●صحيا : %61

-حظك اليوم برج السرطان 

يوم لشغل جديد ولقاءات مهمة ..
بدي منك ماتتسرع وخليك ذكي بقراراتك وحاول تكون هادي وماتصعد الخلافات رح تتعرض للانتقاد اليوم وفي ناس رح تحاول تستفزك لتأثر عليك خليك واثق من حالك ودقيق حتى ماحدا يخرب عليك شغلك ..
عاطفيا .. بين المزح والجد عم تخلق مشكلة روق وكون متفهم حتى ماتكبر الأمور ..
النسبة المئوية :
●مهنيا : %73 ●ماليا : %75 ●عاطفيا : %68 ●صحيا : %78

-حظك اليوم برج الأسد 

ناطرك سفر واجواء حلوة وحلول عائلية ..
مميز بطلتك وحضورك ويوم حلو عندك وعم تفكر بسفر وتتلقى اتصالات من ناس غريبة عنك واول مرة بتحكين وكمان عم تفكر بقصص جديدة ممكن دراسة شي جديد او تتعلم مهنة عندك فرصة مناسبة لهالشي ..
عاطفيا .. عم تسمع اخبار حلوة والشريك عم يعطيك ثقتو وممكن حدا يصارحك بحبو ..
النسبة المئوية :
●مهنيا : %83 ●ماليا : %87 ●عاطفيا : %81 ●صحيا : %79

-حظك اليوم برج العذراء 

وضعك افضل ماليا وحلول ومصالحات ..
بدي منك تتفائل واطمن لأن هانت وبلشت ترتاح وعم تكون بحال افضل بعد ضغوط اثرت عليك بشكل كبير عم تشفى من مرض تعبك وعم تحل مشاكلك وفي فرصة مالية بس خليك منتبه من زيادة بمصروفك ..
عاطفيا .. عم تفكر تعيد العلاقة مع الشريك وبدك ماتتنازل بنفس الوقت ..
النسبة المئوية :
●مهنيا : %70 ●ماليا : %78 ●عاطفيا : %74 ●صحيا : %76

-حظك اليوم برج الميزان 

يوم لشراكات جديد وضغوط من المقربين ..
عم يكون عندك هاليوم توتر وضغط لكن في شراكات وخاصة الظروف يلي عم تأثر عليك بشكل سلبي وعم تسبب ضغط عندك حاول ماتكون قلق زيادة كل شي رح يمر بس بدي منك ماتنهي او تحسم اي شراكة ..
عاطفيا .. ممكن اليوم تكون نقطة النهاية لحبك انتبه كتير لأن ماعم تتحمل الشريك ولا هو عم يتحملك ..
النسبة المئوية :
●مهنيا : %60 ●ماليا : %64 ●عاطفيا : %69 ●صحيا : %59

-حظك اليوم برج العقرب 

عم تكون تمام التزامات ومسؤوليات جديدة ..
من الأيام الحافلة بالقصص عم تحس بأنك مو مرتاح وانو ضغط كبير عليك وحاسس بتعب وارهاق ولازم تكون جاهز وسريع لتلحق حاول تكون منتبه لصحتك واشتغل الضروري بس هاليوم حتى تثبت حالك ..
عاطفيا .. ماحدا عم يقدر الشي يلي عم تعملوا واولن الشريك فحاول تكون هادي ومارح يفيد العتب ..
النسبة المئوية :
●مهنيا : %60 ●ماليا : %57 ●عاطفيا : %61 ●صحيا : %58

-حظك اليوم برج القوس 

يوم أفضل بالحظ والعاطفة عندك ..
عم تتجاوز مرحلة صعبة بهاليوم وتحل مشاكل وخاصة بجو البيت كتير من القصص عم تنقلب وتتغير وبتصير امورك افضل وبتحس انو رجع الحظ معك وتحسنت الامور وحلول لمشاكل بالشغل وفرص حلوة ..
عاطفيا .. افتح قلبك اليوم لأن اجواء رومنسية ناطرتك وحب لو اعذب ..
النسبة المئوية :
●مهنيا : %85 ●ماليا : %87 ●عاطفيا : %82 ●صحيا : %81

-حظك اليوم برج الجدي 

قصص عائلية بدها انتباه وتغيير سكن ..
يبدو مو عبعضك ومو كتير رايق وعم تكون امور البيت عندك مكركبة وبدك تخلص شغلك وتغير بالديكور ممكن وكمان في حدا من اهلك مو مرتاح لوضعو كل هاد عم يأثر عليك وفيك تشتغل شي بخص عقار ..
عاطفيا .. بالرغم من كل شي حاول تكون بعيد عن العصبية حتى لو حط الشريك اللوم عليك بمشاكل العلاقة ..
النسبة المئوية :
●مهنيا : %66 ●ماليا : %64 ●عاطفيا : %70 ●صحيا : %59

-حظك اليوم برج الدلو 

منيح يومك وعم تمشي امورك وسفر ولقاءات ..
مميز عم تكوت ومن الأيام الحلوة وبتتحرر من حالة الركود يلي مريت فيها وبتحس رجعتلك طاقتك حاول تطلع وتسافر وتغير جو كمان عم تتلقى اتصالات وحاسس انك عم توصل افكارك للناس بسرعة ويسر ..
عاطفيا .. قادر اليوم توصل افكارك وحبك للشريك وممكن يكون في اتصال رومنسي ..
النسبة المئوية :
●مهنيا : %81 ●ماليا : %75 ●عاطفيا : %74 ●صحيا : %78

-حظك اليوم برج الحوت 

يوم لشغل وقصص بتخص مال ..
عندك اعادة حسابات بوضعك المالي وبدك تعرف شو الك من مصاري وعم تحاول تحلها ويمكن عم تحس انو رح توقع بازمة مالية هاليوم بس بالمقابل فيك تحصل على مصاري من شغلك وتعزز وضعك العام ..
عاطفيا .. ماعم تعرف شو بدك وكترة الخيارات حولك عم تخليك ضايع فانتبه من هالشي ..
النسبة المئوية :
●مهنيا : %77 ●ماليا : %83 ●عاطفيا : %66 ●صحيا : %69

الفلكي منيب الشيخ

ليست هناك تعليقات:

إرسال تعليق