توقعات الأبراج اليوم الجمعة 16/11/2018 على الصعيد المهني والصحي والعاطفي. توقعات الأبراج اليوم الجمعة 16/11/2018 على الصعيد المهني والصحي والعاطفي. - شبكة اخبار السويداء S.N.N

أخر الاخبار

الجمعة، 16 نوفمبر 2018

توقعات الأبراج اليوم الجمعة 16/11/2018 على الصعيد المهني والصحي والعاطفي.

توقعات الأبراج اليوم الجمعة 16112018 على الصعيد المهني والصحي والعاطفي.

تعرف على حظك اليوم الجمعة 16/11/2018 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله", القمر بينتقل بكرا لبرج الحوت 

-حظك اليوم برج الحمل 

ماعم يناسبك الوضع ومو راضي عن التاجيل ..
أمور بتتعبك بهاليوم ومدايق وقصة بتكون عندك بتشغلك وضايج كتير وعم تشعر بأنو كل شي ضدك ومافي شي متل مابدك تعبان وحاسس بالضعف جواتك هي فترة مؤقتة فلا تستسلم للظروف شو ماكانت ..
عاطفيا .. كون عقلاني ولاتسمح لعواطفك تتعبك اكتر وتعامل مع اي موضوع ببساطة حتى ماتحس بوجع ..
النسبة المئوية :
●مهنيا : %59 ●ماليا : %62 ●عاطفيا : %61 ●صحيا : %66

-حظك اليوم برج الثور 

يومك حلو بلقاءات واجواء مع رفقاتك ..
انت افضل نسبيا وبترتاح بعلاقاتك ويوم بتحس فيه بدعم كبير من الأصدقاء وبتتعرف على ناس جديدة حاول تستغل هالشي بتكون محل اهتمام كتار وبتقدر تدفع بمصالحك وتطلب مساعدة اذا احتجتها ..
عاطفيا .. استغل هاليوم وحاول تكون مع الشريك حتى تقوي العلاقة فيه وانتبه كتير من اي مشكلة او تصرف غلط هالفترة ..
النسبة المئوية :
●مهنيا : %75 ●ماليا : %72 ●عاطفيا : %78 ●صحيا : %70



-حظك اليوم برج الجوزاء 

امور مهنية مهمة ناطرتك وقصص شغل ..
بالرغم انو يوم عطلة عم يكون عندك قصص شغل وعم تكون معرض لكتير من الضغوط وممكن حدا يشكك فيك ويحاول يوقعك انتبه وخليك حذر من الناس يلي بوجهين وممكن يكون في تغيير او شغل ..
عاطفيا .. عزز علاقتك وحاول تخفف التوتر يلي عم تمر فيه وخليك متفهم للشريك ..
النسبة المئوية :
●مهنيا : %67 ●ماليا : %62 ●عاطفيا : %60 ●صحيا : %64

-حظك اليوم برج السرطان 

يوم لتحسن مهني عاطفي وناس جديدة ..
بتتجاوز محنة تعبتك بهاليوم وبترتاح نسبيا وعندك يوم من الأيام المهمة يلي بتحملك سفر واتصالات من ناس أول مرة بتتعامل معن وممكن تحس حالك بدك تتعلم او تبدا بشغل جديد والحظ منيح ..
عاطفيا .. يوم فيه مصالحات مع الشريك بعد فترة متعبة وعودة الأمور افضل ..
النسبة المئوية :
●مهنيا : %86 ●ماليا : %81 ●عاطفيا : %83 ●صحيا : %80

-حظك اليوم برج الأسد 

عم تكون مرتاح اكتر وامور مالية بتساعدك ..
بترتاح نسبيا وبتهدي الوضع بعد الضغوط عليك وحالة عدم الاستقرار يلي اثرت كتير على نفسيتك انت افضل وعم تفكر بهاليوم بأمور مالية او تحل قضية قانونية او حتى عم تشفى من مرض وتحس براحة ..
عاطفيا .. انتبه اذا بدك تعطي الشريك فرصة طبعا اذا بيستاهل بيستاهل ..
النسبة المئوية :
●مهنيا : %65 ●ماليا : %73 ●عاطفيا : %70 ●صحيا : %68

-حظك اليوم برج العذراء 

يوم في شراكات لكن لاتنفعل ..
انت افضل عندك قصة جديدة أو عم تفكر تفوت شراكة جديدة او عم تفكر بخطبة او زواج بس توتر كبير وعم تعصب من اقل الاشيا فانتبه وحاول تهدى وبدك تساير لتنحل الامور ورح تمر على خير انشالله ..
عاطفيا .. حاول تعزز شراكتك واهدى ولاتخلي كلام الشريك يستفزك حتى ماتخسر كل شي ..
النسبة المئوية :
●مهنيا : %57 ●ماليا : %62 ●عاطفيا : %68 ●صحيا : %60

-حظك اليوم برج الميزان 

حاول هاليوم تنتبه صحيا ومن مصاريفك ..
يبدو انو يوم طويل عندك شوية ارهاق وتراكم الشغل او الدراسة عليك وبدك تخلص وماعم تقدر هي الحالة عم تخليك ابدا مو مرتاح وبحاجة للسرعة والتنظيم لتنجز الضروري حاليا وكمان اكيد بحاجة راحة ..
عاطفيا .. لاتعطي ثقتك بالحب لحدا لان كل الناس بلحظة ممكن تبعد فخليك جاهز لكل الاحتمالات
النسبة المئوية :
●مهنيا : %60 ●ماليا : %63 ●عاطفيا : %66 ●صحيا : %57

-حظك اليوم برج العقرب 

يوم منيح لتكون مع عيلتك وتقضي اوقات حلوة ..
بعد تعب بالعيلة والبيت اخيرا عم تشعر بالراحة وعم ترجع الحظوظ توقف معك عندك يوم مميز وقادر تحصل على دعم كتير كبير بشغلك وعندك فرصة حتى تحصل على مبلغ مال مو متوقع وتعزز وضعك ..
عاطفيا .. اجواء رومنسية مميزة ناطرتك واذا كنت اعذب فرصة لحب جديد ..
النسبة المئوية :
●مهنيا : %83 ●ماليا : %81 ●عاطفيا : %88 ●صحيا : %85



-حظك اليوم برج القوس 

بدك تدير بالك على اهلك ويمكن قصة بالشغل تكركبك ..
بهاليوم في تغييرات حاول ماتكون منفعل وفي شي بالبيت ماعم يريحك مشغول بالك على صحتك او صحة حدا من اهلك وعم تحاول تتمالك اعصابك لأنك كتير مدايق بس مابدك تحسس حدا بهالشي ..
عاطفيا .. حاول تكون قوي وفكر بايجابية ولاتخلي شي يضعفك او يكسرك فترة وبتمر . 
النسبة المئوية :
●مهنيا : %65 ●ماليا : %60 ●عاطفيا : %64 ●صحيا : %59

-حظك اليوم برج الجدي 

يوم بيشهد تحسن وسفر ولقاءات حلوة ..
بيتحسن وضعك وانت افضل بتنقلاتك وحركتك وتغيير ايجابي على صعيد شغلك ممكن تسافر وتتلقى اتصالات مهمة ممكن تحصل على الدعم لتغير بحياتك للأفضل ضمن الظروف الصعبة يلي عم تعاني منها..
عاطفيا .. من الأوقات المريحة عندك وفرص رومنسية مهمة عم تكون بلقاءات وأوقات مميزة ..
النسبة المئوية :
●مهنيا : %75 ●ماليا : %68 ●عاطفيا : %77 ●صحيا : %73

-حظك اليوم برج الدلو 

ضب ايدك ومصاريف كتير عندك ومال ممكن يجيك ..
انت بحاجة مبلغ مالي هاليوم وعم تناقش أمور الشغل وتعيد ترتيب حساباتك المالية وعم يكون في ضيقة عندك يمكن عم تحس بأنك صرفت زيادة الفترة الماضية ولازم تعوض او تحصل على مقابل تعبك ..
عاطفيا .. لاتسمح للماضي يوقف بدربك وافتح صفحة جديدة لقلبك ..
النسبة المئوية :
●مهنيا : %67 ●ماليا : %76 ●عاطفيا : %70 ●صحيا : %73

-حظك اليوم برج الحوت 

انفراج وتحسن بوضعك وحل لمشكلة ..
يوم افضل واخيرا عم ترتاح وتحس بطاقة وبيدعمك الحظ ولتعيد ثقة الناس فيك لتعزز مكانتك الاجتماعية عندك بهاليوم فرصة لترجع انت الاساس وتسيطر على الوضع وتستغل الطاقة لتغير وتحل مشاكلك ..
عاطفيا .. اليوم بدي ياك تكون حاسم وتتخذ قرار مشان علاقتك ومالازم تكون ضعيف ..
النسبة المئوية :
●مهنيا : %90 ●ماليا : %81 ●عاطفيا : %86 ●صحيا : %84

الفلكي منيب الشيخ

ليست هناك تعليقات:

إرسال تعليق