توقعات الأبراج اليوم الاثنين 8/10/2018 على الصعيد المهني والصحي والعاطفي. توقعات الأبراج اليوم الاثنين 8/10/2018 على الصعيد المهني والصحي والعاطفي. - شبكة اخبار السويداء -->

أخر الاخبار

الاثنين، 8 أكتوبر 2018

توقعات الأبراج اليوم الاثنين 8/10/2018 على الصعيد المهني والصحي والعاطفي.

توقعات الأبراج اليوم الاثنين 8/10/2018 على الصعيد المهني والصحي والعاطفي.

تعرف على حظك اليوم الاثنين 8/10/2018 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد. "والعلم عند الله",القمر بكرا عم ينتقل بكرا لبرج الميزان.

-حظك اليوم الحمل

يوم لشراكة جديدة وارتباط والبعض نهاية علاقة ..
بهاليوم عم يكون الضغط عليك كبير عم تسمع اخبار ماعم تريحك وعم تلتقي بأشخاص تستفزك وانت بدك بس يهدى وضعك وتستقر وفيك كمان بهاليوم تتم شراكة او تشتغل ضمن شركة بس لا تنفعل ..
عاطفيا .. يوم بيحمل ارتباط للأعذب وعم يفكر يرتبط ومشكل بالعلاقة للمرتبط لأن كتير في ضغط عليك فخلي العالم تتجنب تزعلك ..
النسبة المئوية :
●مهنيا : %58 ●ماليا : %60 ●عاطفيا : %68 ●صحيا : %65

-حظك اليوم الثور

عندك شغل جديد ومسؤوليات وامور صحية..
كتير قصص عم تشغلك انت بيوم حافل يمكن عم تتعرض لوعكة صحية بتأثر عليك وعم تحس بالتعب والتراكم بالمسؤوليات وخاص اذا كنت بدأت بشغل جديد مشان هيك لازم ترتاح وتنظم وقتك واكلك بهاليوم ..
عاطفيا .. عم تكون جذاب للجنس الآخر وماعم تعرف تختار او مابدك شخص كيف ماكان بحياتك العاطفية ..
النسبة المئوية :
●مهنيا : %62 ●ماليا : %57 ●عاطفيا : %62 ●صحيا : %58

-حظك اليوم الجوزاء

يوم حلو لرجعة حب قديم وتحسن كبير ..
حليان وناطرتك بهاليوم اوقات حلوة وقصص بتساعدك لتستغل فرصة او تحصل على طلب ناطروا من زمان ورح تلاقي الحظ اليوم وممكن بعض الاناث يحصل عندن حمل او قصة بتخص احد الابناء ..
عاطفيا .. يوم مميز وممكن يشهد رجعة حب قديم ليحكيك غير ان بتكون جذاب وبتحصل على رومنسية بهاليوم ..
النسبة المئوية :
●مهنيا : %85 ●ماليا : %80 ●عاطفيا : %88 ●صحيا : %82

-حظك اليوم السرطان

تغيير سكن وشغل وقصص عائلية عندك ..
عندك قصص بالبيت ويمكن مسؤولية عيلتك تاعبتك وممكن كتير تكون عم تفكر تغير مكان سكنك او حتى مكان شغلك بهاليوم خليك رايق وتعامل بحكمة واعتني بأهلك لان صحة حدا منن شاغلتك وصحتك ..
عاطفيا .. في احساس جواتك انو رح تسمع خبر عاطفي ومن حب قديم ممكن انتظر هاد الشي وافتح قلبك وافصل بين حبك وعيلتك ..
النسبة المئوية :
●مهنيا : %63 ●ماليا : %60 ●عاطفيا : %66 ●صحيا : %62

-حظك اليوم الأسد

عندك سفر قريب وتواصل ونجاح بهاليوم ..
أفضل انن وعم تتحرك كتير بهاليوم ممكن تسافر او تطلع مشوار وكمان تحكي لفترات طويلة باتصالات او عالنت وممكن يعطل موبايلك او حتى سياراتك اذا عندك وانتبهلي من الحوادث ولاخواتك لان بحاجتك ..
عاطفيا .. من الأيام الحلوة يلي اذا حبيت تشوف فيها الشريك رح تكون طلتك غير شكل ..
النسبة المئوية :
●مهنيا : %76 ●ماليا : %72 ●عاطفيا : %78 ●صحيا : %73

-حظك اليوم العذراء

أمور مالية عندك مصاريف ومبلغ رح يجيك ..
انت محتار والقصص بهاليوم عم تدور بالمجال المالي عندك يمكن ناطر مبلغ من حدا او بدك تبدا شغل جديد لكن عم تحس انو في ناس بدها تنصب عليك فانتبه وغير هيك ضبلي ايدك لان زايد مصروفك ..
عاطفيا .. انت عم تبحث عن استقرار بهالفترة وقلبك ماعم يعرف يثبت على حدا بدها شوية دراسة علاقاتك ..
النسبة المئوية :
●مهنيا : %67 ●ماليا : %75 ●عاطفيا : %70 ●صحيا : %73

-حظك اليوم الميزان

يوم حلو لبداية جديدة وانفراج وحلول ..
ساح بحضوك وطاقتك كبيرة عم تكون عندك بهيك يوم فيك تقلب الأمور لصالحك تعمل شي جديد تأكد انو كل شي عم يخدمك حتى لو حسيت بضغط لكن عادي وانت رح تتجاوز هالفترة ورح تنجح اكيد ..
عاطفيا .. كتير قصص عم تتغير بحياتك العاطفية حتى انك ممكن تبدا جب جديد وعندك جاذبية كبيرة ..
النسبة المئوية :
●مهنيا : %93 ●ماليا : %84 ●عاطفيا : %88 ●صحيا : %86

-حظك اليوم العقرب

انتبه ولاتعيطي ثقتك لحدا ومرق هاليوم ..
مدايق انت هاليوم والناس يلي حوليك عم تثبت بجدارة انها مابتستاهل الثقة وانو كنت مخدوع فين لكن لاتخاف يوم وبمر وفكر ببكرا أكيد وخليك بعيد عن الأعمال الضرورية لان يوم بيحملك تأجيل ..
عاطفيا .. حليان انت ووضعك العاطفي عم يشهد اشخاص جدد عم يدخلوا حياتك حدد خياراتك لان ممكن تبدا بحب جديد ..
النسبة المئوية :
●مهنيا : %57 ●ماليا : %60 ●عاطفيا : %67 ●صحيا : %62

-حظك اليوم القوس

عم تتلقى مساعدة من صديق ويوم لعزيمة عندك ..
عندك سند حدك بهاليوم وبتلاقي دعم حقيقي من الأصدقاء حاول تستفيد وتستغل هاد الشي وممكن صديق يساعدك لتحقق حلم عندك بدي منك ماتبقى لحالك ولقاءاتك عم تكون مثمرة هاليوم وعزايم ..
عاطفيا .. عندك صداقات كتير لكن ماعم تفكر بالحب وبدك تخلص من الأشخاص المزعجين بحياتك ..
النسبة المئوية :
●مهنيا : %72 ●ماليا : %70 ●عاطفيا : %78 ●صحيا : %74

-حظك اليوم الجدي

منيح يومك لشغل وقصص مهنية مهمة ..
شغل وتطوات مصيرية عندك و في قصة بتخص حياتك ولازم تكون جاهز يعني ممكن امتحان او منصب او مكان جديد بحياتك كمان لازم تنتبه من مخالفة القوانين وخاصة بالتعامل مع المسؤولين عنك ..
عاطفيا .. عم تتعرض لقصص عم توترك لكن هي حالة مؤقتة بس خليك رايق وبعد عن الاستفزاز ..
النسبة المئوية :
●مهنيا : %69 ●ماليا : %66 ●عاطفيا : %72 ●صحيا : %75

-حظك اليوم الدلو

منيح يومك لتسافر وتتعرف على أشخاص جدد ..
انت بيوم حلو مابعرف اذا عم تفكر بسفر هاليوم او عم تتلقى اتصالات بعيدة او من ناس غريبة عنك ويمكن بهاليوم عم تفكر تبدا دراسة جديدة او تنزل عالنادي بالمجمل يوم منيح مهنيا وماليا الك استغلو بحضورك ..
عاطفيا .. لازم تحسم خياراتك بعلاقتك بالشريك وبظن في شخص عم تتعرف عليه عن جديد وحابب يكون شريك عاطفي ..
النسبة المئوية :
●مهنيا : %87 ●ماليا : %80 ●عاطفيا : %84 ●صحيا : %82

-حظك اليوم الحوت

بتحل مشاكل وبكون في مال من شراكة ..
انت أفضل اخيرا وبعد ايام كانت صعبة وكلها قصص مؤذية الك نفسيا ومهنيا صار فيك ترتاح نسبيا وتفكر بحلول وحتى تحصل على مال من شراكة او ميراث حتى وفي حل لقضية قانونية وشفاء من مرض تعبك ..
عاطفيا .. انت بيوم جيد نسبيا فيك تصالح الشريك او تحل المشاكل واذا مافي شريك فعندك عاطفة قوية لشراكة جديدة ..
النسبة المئوية :
●مهنيا : %65 ●ماليا : %78 ●عاطفيا : %72 ●صحيا : %68

ليست هناك تعليقات:

إرسال تعليق