توقعات الأبراج ليوم الثلاثاء 25/9/2018 على الصعيد المهني والعاطفي والصحي. توقعات الأبراج ليوم الثلاثاء 25/9/2018 على الصعيد المهني والعاطفي والصحي. - شبكة اخبار السويداء S.N.N

أخر الاخبار

الثلاثاء، 25 سبتمبر 2018

توقعات الأبراج ليوم الثلاثاء 25/9/2018 على الصعيد المهني والعاطفي والصحي.

توقعات الأبراج ليوم الثلاناء 2592018 على الصعيد المهني والعاطفي والصحي.

تعرف على حظك اليوم الثلاناء 25/9/2018 وتوقعات الأبراج على الصعيد المهنى والعاطفى والصحى، أنها دعوة للتفاؤل وبداية يوم سعيد
القمر بكرا عم ينتقل لبرج الحمل 

-حظك اليوم الحمل 

بتوضح الأمور عندك وبتتحسن بشكل كبير ..
عم تكشف الناس على حقيقتها ومن الأيام يلي بترتاح فيها لمجرى الأمور بعد ايام كان فيها توتر وضغط كبير وانت مقبل على بداية شغل جديد او قصة جديدة رح تغير فيها حياتك والحظ بهاليوم بيدعمك ..
 عاطفيا : استغل يومك وسحرك لتحصل على اعلى درجات الجاذبية والحب من الناس المحيطة الك ..
النسبة المئوية :
●مهنيا : %90 ●ماليا : %87 ●عاطفيا : %85 ●صحيا : %82

-حظك اليوم الثور 

عدم رضا عندك واحساس بالضيق ..
موعبعضك وعم تكون مو مرتاح بهاليوم أو في قصة عم تشغلك لازم تنتبه منيح لتطورات الأوضاع عندك وماتتسرع بأي شي وحتى الانفعال لازم تضبطو لان اي كلمة عم تنحسب عليك وفي ناس بتحاول تخدعك..
عاطفيا : الوضع العاطفي عندك عم يشهد عدم رضا منك وفي قصة عم يعملها الشريك ماعم تريحك ..
النسبة المئوية :
●مهنيا : %59 ●ماليا : %67 ●عاطفيا : %60 ●صحيا : %58

-حظك اليوم الجوزاء 

يوم لتشوف أشخاص غالية على قلبك ..
انت بوضع منيح وعم يكون يومك حافل بالرفقة الحلوة يلي رح تجمعك فين لقاءات او حتى عزايم ورح تنبسط بالوضع العام وفيك تطلب اي مساعدة بتحتاجها منن وحاول بهاليوم لاتبقى لحالك ..
 عاطفيا : عندك حضور مميز بهاليوم وكتير اصدقاء حاطين عينن عليك بهالفترة ..
النسبة المئوية :
●مهنيا : %74 ●ماليا : %70 ●عاطفيا : %77 ●صحيا : %72

-حظك اليوم السرطان 

يوم مصيري بشغلك وتغيير ممكن ..
انتبه عم يكون يومك في كتير قصص بتخص وضعك المهني ممكن تغيير بشغلك او مشكلة مع حدا من المسؤولين عنك مشان هيك بدي منك تنتبه واكيد الوضع بدو رواق وبدون عناد ومخالفة القوانين ..
 عاطفيا : انت بوضع عاطفي صعب عم تحس مافي امل من علاقتك بأغلب الوقت فهدي هالفترة ..
النسبة المئوية :
●مهنيا : %71 ●ماليا : %66 ●عاطفيا : %74 ●صحيا : %68

-حظك اليوم الأسد 

يوم منيح الك لسفر ونجاحات وتواصل ..
انت مدعوم بالطاقة وعم يكون يوم داعم على كل الأصعدة عندك والنجاح ناطرك بهاليوم كمان عندم القدرة انك تصل لناس جدد بحياتك وتتلقى اتصالات بعيدة وتكون محط انظار كتار غير انك ممكن تسافر ..
 عاطفيا : انتبه لحساسيتك بالعلاقة وانت رح تكون بيوم بعيد العلاقة لأفضل حال ..
النسبة المئوية :
●مهنيا : %88 ●ماليا : %80 ●عاطفيا : %85 ●صحيا : %82

-حظك اليوم العذراء 

يوم منيح ماليا وفي حلول لقضية تاعبتك ..
انت بحال أفضل وعم يكون يومك مريح بعد ايام كتير كان فيها توتر ورح ترتاح نسبيا وتلاقي حلول وحتى عندك فرص مالية من شراكات او ميراث بالمجمل يوم اهدى وافضل استغل هالشي بمصالحات ..
 عاطفيا : عم تفكر بنهاية علاقة عندك وضايج لكن بدي منك تهدى ورح يكون في حلول ..
النسبة المئوية :
●مهنيا : %65 ●ماليا : %74 ●عاطفيا : %70 ●صحيا : %68

-حظك اليوم الميزان 

قصص بتخليك تنهي شراكة فهدي قدر الامكان ..
انت مو مرتاح كتير ومن الأيام يلي بتحس فيها بكتير ضغوط وخاصة من جهة الشراكات وهااشي باثر عليك حاول تهدى قدر الامكان وتعزز شراكاتك لان اي كلمة عم تزعجك وانشالله الأمور بتكون افضل ..
 عاطفيا : ماحدا عم يستوعبك وفترة فيها كتير ضغط عندك وعند البعض في فرص ارتباط
النسبة المئوية :
●مهنيا : %59 ●ماليا : %68 ●عاطفيا : %63 ●صحيا : %60

-حظك اليوم العقرب 

يوم في ضغط والتزامات بدها ترتيب وانتبه صحيا ..
انت كتير مضغوط وبهاليوم بكون في على عاتقك شغل كتير بوقت قليل لازم تنظم امورك وتخلص الضروري حتى ماحدا يلومك على تقصير وكمان انتبه لوضعك الصحي وحاول ترتاح وقت تقدر ..
عاطفيا : الوضع العاطفي عندك بحاجة اهتمام من الشريك ووضوح بالتعامل حتى تستمر العلاقة ..
النسبة المئوية :
●مهنيا : %62 ●ماليا : %64 ●عاطفيا : %60 ●صحيا : %58

-حظك اليوم القوس 

يوم منيح لعاطفة وحظ وفرص مهنية ..
انت بحال أفضل وعم يكون عندك يوم من الأيام الجيدة لتحل فيها مشاكلك وتلاقي فرص جديدة بتساعدك لتغير وضعك للأفضل وخاصة بوضعك العائلي وكمان ممكن يكون في اخبار حلوة لبداية شغل جديد ..
 عاطفيا : استغل يومك عاطفيا لأن ممكن يشهد عودة حب قديم او تطورات جديدة بحب جديد ..
النسبة المئوية :
●مهنيا : %85 ●ماليا : %83 ●عاطفيا : %89 ●صحيا : %78

-حظك اليوم الجدي 

امور عائلية عندك وتغييرات بتشغلك ..
انت مو كتير مرتاح ويومك عم يشغلك بامور بتخص البيت او حتى بيع او شراء عقار حاول تهدي وماتتسرع وتعامل بحكمة لان كتير ناس عم تقلب الامور ضدك ودير بالك على أهلك وصحتك بهاليوم ..
عاطفيا : الامور العاطفية عندك بحاجة ترتيب وماعم تشعر بتحسن وخاصة بسبب اوضاعك المكركبة لكن المؤقتة ..
النسبة المئوية :
●مهنيا : %69 ●ماليا : %61 ●عاطفيا : %67 ●صحيا : %63

-حظك اليوم الدلو 

منيح يومك لتطورات حلوة وسفر ونجاح ..
يوم حلو وعم يكون يوم داعم في فرص مناسبة انك تسافر وتتلقى اتصالات كتير تعزز وضع بالعلاقات مع محيطك وتكون ناجح بالشي يلي بدك تعملو كمان بتتعرف على ناس جديدة لكن انتبه من الحوادث ..
عاطفيا : انت بوضع جيد لتحسن علاقتك بالشريك بهاليوم او حتى لتحصل على شريك جديد ..
النسبة المئوية :
●مهنيا : %75 ●ماليا : %70 ●عاطفيا : %77 ●صحيا : %68

-حظك اليوم الحوت 

عندك مال وانتبه كتير لمصاريفك ..
انت بأزمة مالية وبهاليوم عم تدور الأحداث عندك ضمن قصص مالية عم تدفع أو تقبض وبدك تلاقي موارد جديدة لوضعك العام وهالشي بخليك ناطر مبلغ من شخص وعم تعيد حساباتك المالية ..
عاطفيا : الوضع العام عم يخليك تمل وتبرد عاطفتك تجاه الشريك والاعذب ناطروا حب قادم ..
النسبة المئوية :
●مهنيا : %68 ●ماليا : %78 ●عاطفيا : %75 ●صحيا : %77

ليست هناك تعليقات:

إرسال تعليق