توقعات الأبراج الأحد 23/9/2018 على الصعيد المهني والعاطفي والصحي. توقعات الأبراج الأحد 23/9/2018 على الصعيد المهني والعاطفي والصحي. - شبكة اخبار السويداء S.N.N

أخر الاخبار

الأحد، 23 سبتمبر 2018

توقعات الأبراج الأحد 23/9/2018 على الصعيد المهني والعاطفي والصحي.

توقعات الأبراج الأحد 23/9/2018 على الصعيد المهني والعاطفي والصحي.

حظك اليوم وتوقعات الأبراج الأحد 23/9/2018 , القمر بكمل ببرج الحوت بكرا  الشمس عم تنتقل بكرا لبرج الميزان لتعطي طاقة لأبراج الهواء والنار بصفة أقل ويكون في حب للسلام والعدل ونكون دبلماسيين أكتر وتتحسن علاقاتنا الاجتماعية وكل عام وكل مواليد الميزان بألف خير 

_الحمل :

هاليوم لتروق وتترك الأمور تمشي بسلام ..
مو مبسوط وعم تفوت بيوم متعب وقليل الحظ بدي ياك تنتبه لصحتك وتشتغل الضروري بس لاتعمل اي شي ولاتحاول حسم موضوع هاليوم تأخير وتأجيل متوقع لكن بمر وحاول تفكر بايجابية قدر الامكان ..
عاطفيا .. شعور الوحدة رح يسيطر عليك واحساس بالحزن كمان بس حاول تمرق هاليوم وماتتصرف بشكل خاطئ ..
النسبة المئوية :
●مهنيا : %58 ●ماليا : %62 ●عاطفيا : %66 ●صحيا : %60
الشمس بالميزان : بتعزز فرص الشراكة عندك مهنيا وعاطفيا وبتنهي على العلاقات الضعيفة فانتبه وبتكون عندك علاقة جديدة وارتباط اذا اعذب فجهز حالك ..

_الثور:

يوم حلو باجواء لقاءات وعزايم ..
بدي منك تنتبه من وحدتك و عندك لقاءات مع رفقاتك بتساعدك وفي صديق بيوقف حدك بهاليوم بتمتلك الطاقة وقادر تأثر بمحيطك يوم منيح نسبيا رح يكون استغلو على أكمل وجه وخلص الشي يلي عليك ..
عاطفيا .. عندك شي رح يفرحك اليوم واعجاب من صديق ممكن لكن لاتكبر المشاكل مع الشريك ..
النسبة المئوية :
●مهنيا : %78 ●ماليا : %70 ●عاطفيا : %77 ●صحيا : %75
الشمس بالميزان : بتعطيك فرصة بداية عمل جديد لازم تنتبه لان رح يكون في تراكم عندك وصحيا كمان بتأثر على صحتك وغذائك فبدي منك ترتب امورك ورح تكون مميز بشغلك الجديد أكيد ..

_الجوزاء :

انتبه من قصص بالشغل ممكن تكركبك ..
خليك ذكي كعادتك ولازم تكون منتبه وحافظلي على سمعتك وعلاقاتك وانتبه من الحكي المخفي وكون دقيق يوم ماشي حالو بس بدك تكون رايق وصاحي ودقيق لأن في ناس بدها توقعك وفرصة شغل جديد ..
عاطفيا .. لاتلوم حالك بعلاقتك انت قلبك طيب ومابتتنازل وهالشي عم يسمح للشريك يتمادى ..
النسبة المئوية :
●مهنيا : %65 ●ماليا : %68 ●عاطفيا : %70 ●صحيا : %63
الشمس بالميزان : بموقع مناسب وجيد الك بتدعمك عاطفيا وماليا وبتعطيك حظوظ حلوة وفرص وخاصة اذا ناطر اخبار منيحة ..

_السرطان :

من أفضل الايام وسفر ونجاح عندك ..
يوم حلو بتحس عندك طاقة زايدة وقوة بتكتر اتصالاتك وبيتحسن وضعك ويمكن يكون عندك سفر يوم مناسب لتعزز وضعك وتكون كلمتك مسموعة وقادر على ايصال رأيك وبتتعرف على اشخاص جدد ..
عاطفيا .. عندك القدرة انك تحل المشاكل بعلاقتك فحاول هالشي ولاتتركها تكبر ..
النسبة المئوية :
●مهنيا : %84 ●ماليا : %82 ●عاطفيا : %87 ●صحيا : %80
الشمس بالميزان : بتخليك تفكر اكتر بمستقبل بيتك وعيلتك وخاصة بما يخص الأهل ويمكن تغير مكان سكنك فجهز حالك وحتى ممكن تبيع أو تشتري عقار عندك ..

_الأسد :

طاقتك حلوة لتغير وتحل مشكلة وتحصل على مال ..
حل مشاكلك وفكر بامورك المالية وشغلك وعندك فرصة لربح او مكسب بس بنفس الوقت خفف مصروفك وانتبه يما يخص العيلة يمكن يكون حدا بحاجتك اليوم وكمان في مصالحات وحلول قضائية عندك ..
عاطفيا .. كون حريص على حبك ولاتسمح للتوتر يستفزك ويخليك تتسرع برأيك ..
النسبة المئوية :
●مهنيا : %66 ●ماليا : %73 ●عاطفيا : %70 ●صحيا : %68
الشمس بالميزان : بتزيد حركتك وفرص لسفر قريب وتواصل افضل مع المحيطين فيك ونجاح مهني ودراسي وحتى ممكن تشتري سيارة او موبايل الفترة الجاية وانتبهلي من حوادث الطرقات ..

_العذراء :

لازم تكون رايق لان الانفعال رح يخرب عليك ..
بهاليوم عم تفكر بامور الشراكة وفيك تعمل عقد مع حدا بس لاتفقد هدوئك وخليك رايق توترك هاليوم وعصبيتك ممكن يسببو مشاكل انت بغنى عنها تعامل بدبلماسية قدر الامكان وحاول ماتستفز حدا ..
عاطفيا .. انت بحاجة لحدا يفهمك ومايزيد الخلاف معك والشريك ماعم يقدر حبك
النسبة المئوية :
●مهنيا : %62 ●ماليا : %61 ●عاطفيا : %69 ●صحيا : %65
الشمس بالميزان : بتعطيك فرص مالية وبداية مشروع او شغل جديد لكن اكتر شي تفكيرك بالمال ورح تكون راضي ماليا بس انتبه من المصاريف يلي بلا طعمة ..

_الميزان :

رتب وضع شغلك وانتبه صحيا ..
عم يتراكم الشغل عليك مشان هيك نظملي وقتك ولاتهمل شغلك وانتبه لصحتك بهاليوم انت ماعم تلحق وبدها شوية صبر القصة ورح تمر هالفترة فأهم شي التنظيم لاكلك وحياتك لتعرف تخلص يلي عليك ..
عاطفيا .. عم تنصدم باشخاص كانو كل حياتك وصارو انانيين ماهمن غير حالن ..
النسبة المئوية :
●مهنيا : %59 ●ماليا : %60 ●عاطفيا : %66 ●صحيا : %58
الشمس عندك بتساعدك وبتعطيك بدايات جديدة وحظوظ وطاقة لتطلع من تعبك وبتزيد جاذبيتك وبتفرج عليك بعد شهر تعبك كتير فانتظر هالشي ..

_العقرب :

تحسن كبير بالحظ والعاطفة عندك ..
انت مميز وافضل عم تكون عم تتحسن امورك عم تشعر بشوية راحة وتلاقي انو بدك تعمل شي بادر الحظ بيدعمك اليوم واستغل الوقت والفرص المتاحة لتحصل على نتائج بترضيك ..
عاطفيا .. عندك رغبة قوية بالتقرب من الحبيب وتعزيز علاقتك لاتوقف اليوم واستغل جاذبيتك لتحصل على حب بيرضيك ..
النسبة المئوية :
●مهنيا : %84 ●ماليا : %81 ●عاطفيا : %85 ●صحيا : %83
الشمس بالميزان : بتخليك تحب العزلة اكتر وممكن تجيك فرصة عمل مع مؤسسة كبيرة لكن خليك منتبه من الاشخاص بوجهين وحتى ممكن تفوت علاقة سرية ..

_القوس :

في عندك قصص عم تكون متعبة هدي الوضع ..
مو كتير رايق اهتماماتك بيتية عائلية وعندك ضغط وتعب وممكن تغيير بمكان سكنك .. كون قد المسؤولية ويمكن عم تصلح او تشتغل شي ببيتك ساعد اهلك وتحمل المسؤولية ولا تكون منفعل ..
عاطفيا .. حاول أنك تستغل بعض الفترات لتكون مع الحبيب وتلاقي شوية راحة وهدوء بنفسيتك ولاتلوم حدا لان مارح تستفاد شي ..
النسبة المئوية :
●مهنيا : %69 ●ماليا : %66 ●عاطفيا : %68 ●صحيا : %61
الشمس بالميزان : بتعزز الصداقات والحالة الاجتماعية عندك وبتساعد لتجيك مساعدة من رفيق عندك ..

_الجدي :

امورك بتتحسن باتصالات وسفر ونجاح ..
منيح انت وعم تكتر اتصالاتك ممكن يكون في مواعيد مهمة استغل الوقت وحول الامور لصالحك ورح يدعمك الحظ وتعمل شي حلو بشغلك وتطور بانتظارك وممكن تشتري موبايل وانتبه من الحوادث ..
عاطفيا .. عم ترجع امورك افضل عاطفيا برغم الضغط يلي عم يسيطر على العلاقة فرصة لتشوف الشريك اليوم وتقضي وقت حلو ..
النسبة المئوية :
●مهنيا : %71 ●ماليا : %72 ●عاطفيا : %79 ●صحيا : %75
الشمس بالميزان : بتعملك تغييرات مهمة مهنيا انتبه من التعامل مع المسؤولين ولاتخالف القوانين وعندك ترقية أو فرصة عمل قادمة وحتى شهرة ..

_الدلو :

يوم منيح لتحصل على مال بس ضبلي ايدك ..
عم تفكر بالشغل و بامور المصاري وعندك مكسب او ربح اليوم خليك جاهز .. وحاول لا تزيد مصروفك وتعامل بحذر بشغلك وبدك تعمل شي مميز وناجح وبيحملك اليوم ممكن مشروع جديد ممكن ..
عاطفيا .. بعدا الفرص متاحة لحل مشاكلك العاطفية لكن خفف من حساسيتك وتعامل بعقلانية شوي ..
النسبة المئوية :
●مهنيا : %68 ماليا : %78 ●عاطفيا : %75 ●صحيا : %71
الشمس بالميزان : بتعطيك فرص سفر وبدايات جديدة لشغل او علم وكمان بتتعرف على ناس جديدة وبتكون حال أفضل على كل الأصعدة ..

_الحوت :

من الأيام يلي فيها انفراج وطاقة وحظ ..
بهاليوم بتفرج وبتحس انو رجعت الامور احسن من أول وموضوع رح ينحل ورح يكون عندك الطاقة تقلب الامور لمصلحتك .. افتح صفحة جديدة وبادر واذا بدك افتح مشروع جديد الحظ عم يدعمك ومعك ..
عاطفيا .. رح تكون مسيطر وقادر انو تصل لقلب الشريك وحب جديد ممكن او تجدد بحبك ..
النسبة المئوية :
●مهنيا : %92 ●ماليا : %86 ●عاطفيا : %89 ●صحيا : %82
الشمس بالميزان : بتريحك وبتعطيك حلول وبتدعمك ماليا من جهة مال الشراكة او الميراث وبتخليك تشفى من مرض او تحل قضية قانونية وحتى تصالح شريك العاطفة ..

ليست هناك تعليقات:

إرسال تعليق